പുളിക്കല്‍: എസ്.കെ.എസ്.എസ്.എഫ് പുളിക്കല്‍ ക്ലസ്റ്റര്‍ തഖ്‌വിയ പ്രതിനിധി ക്യാംപ് കോഴിക്കോട് ജില്ലാ എസ്.കെ.എസ്.എസ്.എഫ് പ്രസിഡന്റ് സയ്യിദ് മുബഷിര്‍ തങ്ങള്‍ ജമലുല്ലൈലി ഉദ്ഘാടനം ചെയ്തു. പ്രളയ ബാധിത മേഖലയില്‍ സേവന സന്നദ്ധരായ വിഖായ ആക്ടീവ് മെമ്പര്‍മാരെ ആദരിച്ചു. ക്ലസ്റ്റര്‍ പ്രസിഡന്റ് മുഹമ്മദലി അശ്അരി അധ്യക്ഷനായി. എസ്.എം.എഫ് മണ്ഡലം പ്രസിഡന്റ് പി.മോയുട്ടി മൗലവി പതാക ഉയര്‍ത്തി.
ആസിഫ് ദാരിമി പുളിക്കല്‍, മുനീര്‍ ഹുദവി പേങ്ങാട് വിഷയാവതരണം നടത്തി. സ്വദഖത്തുല്ല മാസ്റ്റര്‍, റിയാസ് കൊട്ടപ്പുറം, ഹിബത്തുല്ല കൊട്ടപ്പുറം, സൈനുദ്ദീന്‍ ഒളവട്ടൂര്‍, സലാം കൊട്ടപ്പുറം, അഷ്‌റഫ് കള്ളാടിയില്‍, സി. ബീരാന്‍ കുട്ടി, റിയാസ് ഫൈസി മുഴങ്ങല്ലൂര്‍, കെ.എം ഹാരിസ് തുടങ്ങിയവര്‍ സംസാരിച്ചു.