ലണ്ടന്‍: പഞ്ചാബ് നാഷനല്‍ ബാങ്കില്‍ നിന്ന് 13500 കോടി രൂപ വായ്പയെടുത്ത് ഇന്ത്യവിട്ട വജ്ര വ്യാപാരി നീരവ് മോദിയുടെ ജാമ്യാപേക്ഷ തള്ളി. യു.കെ കോടതിയാണ് ഇന്നലെ വീണ്ടും ജാമ്യം നിരസിച്ചത്. കേസിലെ സാക്ഷികളെ സ്വാധീനിക്കാന്‍ ശ്രമിക്കുമെന്നും തെളിവുകള്‍ നശിപ്പിക്കുമെന്നും ചൂണ്ടിക്കാട്ടിയാണ് കോടതി നീരവ് മോദിയുടെ അപേക്ഷ തള്ളിയത്.
സൗത്ത് വെസ്റ്റ് ലണ്ടനിലെ ജയിലില്‍ കഴിയുന്ന നീരവ് മോദിയെ കഴിഞ്ഞ മാര്‍ച്ച് 19നാണ് സ്‌കോട്‌ലന്‍ഡ് യാര്‍ഡ് ഉദ്യോഗസ്ഥര്‍ അറസ്റ്റുചെയ്തത്. നീരവ് മോദിയും അമ്മാവന്‍ മെഹുല്‍ ചോക്‌സിയും പി.എന്‍.ബി തട്ടിപ്പുകേസ് പുറത്തുവരുന്നതിന് തൊട്ടുമുമ്പ് കഴിഞ്ഞവര്‍ഷം ജനുവരിയിലാണ് രാജ്യംവിട്ടത്.