കണ്ണൂര്‍: മുന്‍ സി.പി.എം നേതാവ് സി.ഒ.ടി നസീറിനെ വധിക്കാന്‍ ശ്രമിച്ച കേസില്‍ എ.എന്‍ ഷംസീര്‍ എം.എല്‍.എയെ അറസ്റ്റ് ചെയ്യണമെന്നാവശ്യപ്പെട്ട് കോണ്‍ഗ്രസ് ഉപവാസ സമരം ആരംഭിച്ചു. ഡി.സി.സി പ്രസിഡന്റ് സതീശന്‍ പാച്ചേനിയുടെ നേതൃത്വത്തില്‍ നടക്കുന്ന സമരം നിയുക്ത എം.പി കെ. മുരളീധരന്‍ ഉദ്ഘാടനം ചെയ്തു. നിയമസഭയില്‍ എ.എന്‍ ഷംസീറിനെതിരായ അടിയന്തര പ്രമേയത്തിന് അവതരണാനുമതി നിഷേധിച്ചതും നടപടിക്രമങ്ങളും കേസില്‍ അദ്ദേഹം പ്രതിയാണെന്നുള്ള കാര്യമാണ് വ്യക്തമാക്കുന്നതെന്ന് അദ്ദേഹം പറഞ്ഞു.