മാള: അഞ്ചടി നീളമുള്ള പുല്ലാനി മൂര്‍ഖനെ പിടികൂടി. മാള സ്വദേശി ഫൈസല്‍ കോറോത്താണ് മാരക വിഷമുള്ള പാമ്പിനെ പിടികൂടി വനപാലകര്‍ക്ക് കൈമാറിയത്.
മാള പള്ളിപ്പുറം സ്വദേശി ചെല്ലക്കുടം വീട്ടില്‍ ജോര്‍ജിന്റെ പറമ്പലെ കോഴികൂട്ടില്‍ കയറി കോഴികളെ വിഴുങ്ങാന്‍ തുടങ്ങിയ മുര്‍ഖനെയാണ് ഫൈസല്‍ പിടികൂടിയത്. സ്‌പെഷല്‍ ബ്രാഞ്ച് ഓഫിസറായ ഇദ്ദേഹം ഇതിന് മുന്‍പും നിരവധി പാമ്പുകളെ പിടികൂടി വനപാലകര്‍ക്ക് കൈമാറിയാട്ടുണ്ട്.
ജനങ്ങളുടെ ജീവനും സ്വത്തിനും സംരക്ഷണം നല്‍കല്‍ പൊലിസുകാരുടെ കടമയാണ് എന്ന തിരിച്ചറിവിണ് ഉപദ്രകാരികളായ വിഷ പാമ്പുകളെ പിടികൂടി നാടുകടത്താന്‍ ഇദ്ദേഹത്തിന് പ്രചോദനം നല്‍കുന്നത്. പ്രതിഫലമൊന്നും വാങ്ങാതെ തികച്ചും സൗജന്യമായാണ് ഇദ്ദേഹം ഈ സേവനം ചെയ്യുന്നത്.