നിലമ്പൂര്‍: മദ്‌റസ ശാക്തീകരണത്തിന്റെ ഭാഗമായി എസ്‌കെജെഎം-എസ്‌കെഎംഎംഎ സംയുക്തമായ സംഘടിപ്പിക്കുന്ന മുഅല്ലിം-മാനേജ്‌മെന്റ് ശില്‍പശാല പൂക്കോട്ടുംപാടം യമാനിയ ഇസ്‌ലാമിക് സെന്ററില്‍ നടന്നു. എസ്‌കെജെഎം ജില്ലാ ജന. സെക്രട്ടറി ഹുസൈന്‍കുട്ടി മൗലവി ഉദ്ഘാടനം ചെയ്തു. മേഖല പ്രസിഡന്റ് പി. ജമാലുദ്ദീന്‍ മുസ്‌ലിയാര്‍ അധ്യക്ഷനായി. അബ്ദുറഹിമാന്‍ ദാരിമി മുണ്ടേരി മുഖ്യപ്രഭാഷണം നടത്തി. മുഹമ്മദ് അമാനുള്ള ദാരിമി പദ്ധതി വിശദീകരിച്ചു. മേഖല ജന.സെക്രട്ടറി പി. ഹംസ (കുഞ്ഞാപ്പു), സലീം എടക്കര, സുലൈമാന്‍ ഫൈസി ചുങ്കത്തറ, അബ്ദുള്ള പാലൂര്‍, എം. ഹംസദാരിമി, ഫളലുറഹ്മാന്‍ അന്‍വരി, കണ്ണന്‍കുളവന്‍ ബാപ്പുട്ടി, അക്ബര്‍ മമ്പാട്, സ്വാദിഖ് ഫൈസി മോങ്ങം, കൈനോട്ട് ബാപ്പുട്ടി തുടങ്ങിയവര്‍ സംസാരിച്ചു. സംസ്ഥാന കലാമേളയില്‍ ഒന്നാം സ്ഥാനം നേടിയ ത്വയ്യിബ് ദാരിമി, ഇകെ അനീസ് ഫൈസി മാളിയേക്കല്‍, നാസര്‍ കരുളായി, സിനാന്‍ എടക്കര എന്നിവരെ ആദരിച്ചു.
ചോക്കാട്, പൂക്കോട്ടുംപാടം, കരുളായി, നിലമ്പൂര്‍, മമ്പാട്, മൂത്തേടം, വഴിക്കടവ്, എടക്കര, പോത്തുകല്‍, ചുങ്കത്തറ റെയ്ഞ്ചുകളിലെ മദ്‌റസ സദര്‍ മുഅല്ലിം, മാനേജ്‌മെന്റ് പ്രസിഡന്റ്, സെക്രട്ടറിമാര്‍ പങ്കെടുത്തു.