വടക്കാഞ്ചേരി: നവകേരള നിര്‍മിതിക്കായി മുഖ്യമന്ത്രിയുടെ ദുരിതാശ്വാസ നിധിയിലേക്ക് തുക സമാഹരിക്കാന്‍ വേറിട്ട പദ്ധതിയുമായി കുരുന്നുകള്‍ . പൂമല ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥികളാണ് കൈരളീ വിലാസം ഹോട്ടല്‍ ആന്‍ ഡ് കാപ്പി ക്ലബുമായി രംഗത്തെത്തിയിട്ടുള്ളത്. എന്‍.എസ.എസ് യൂനിറ്റിന്റെ നേതൃത്വത്തില്‍ നടക്കുന്ന ഹോട്ടല്‍ അധ്യയനം തടസപ്പെടാത്ത വിധത്തിലാണ് നടത്തുക.
കാലത്ത് 6.30 മുതല്‍ 8.30 വരെയും, ഉച്ചതിരിഞ്ഞ് 4.30 മുതല്‍ ഏഴ് വരേയുമാണ് പ്രവര്‍ത്തിക്കുക. കാലത്ത് ചപ്പാത്തി, ഇഡലി, ചായ എന്നിവയും, ഉച്ചതിരിഞ്ഞ് ചായയും ചെറുകടികളുമാണ് വില്‍പന . വിദ്യാര്‍ഥികളുടെ മാതാ പിതാക്കള്‍ വീട്ടില്‍ തയ്യാറാക്കുന്ന ഭക്ഷണ പദാര്‍ഥങ്ങളാണ് വില്‍പ്പനയ്‌ക്കെത്തിക്കുന്നത്.
വിദ്യാര്‍ഥികള്‍ തന്നെയാണ് സപ്‌ളൈയര്‍മാര്‍. ലാഭം മുഴുവന്‍ ദുരിതാശ്വാസ നിധിയിലേക്ക് കൈമാറുന്നതിനാണ് തീരുമാനം. സ്‌കൂളിന് മുന്നിലെ സ്വകാര്യ വ്യക്തി വാടകയില്ലാതെ നല്‍കിയ മുറിയിലാണ് ഹോട്ടല്‍ പ്രവര്‍ത്തിക്കുക. ഹോട്ടലിന്റെ ഉദ്ഘാടനം മുളങ്കുന്നത്ത് കാവ് പഞ്ചായത്ത് പ്രസിഡന്റ് ബിന്ദുബെന്നി ഉദ്ഘാടനം ചെയ്തു. മാനേജര്‍ എ. ആര്‍. ചന്ദ്രന്‍ അധ്യക്ഷത വഹിച്ചു. എന്‍. എസ് .എസ്. പെര്‍ ഫോമന്‍സ് അസസ്‌മെന്റ് കമ്മിറ്റി അംഗം പി. വി. വേണുഗോപാലന്‍, പ്രിന്‍സിപ്പാള്‍ ലീന, പ്രോ ഗ്രാം കോ ഡിനേറ്റര്‍ ഫാന്‍സി ഫ്രാന്‍സീസ് പ്രസംഗിച്ചു.