കൊണ്ടോട്ടി: കരിപ്പൂരില്‍ ശരീരത്തിലും ട്രോളി ബാഗിനകത്തും ഒളിപ്പിച്ചു കടത്തിയ 36 ലക്ഷം രൂപയുടെ സ്വര്‍ണവുമായി രണ്ടു യാത്രക്കാരെ എയര്‍ കസ്റ്റംസ് ഇന്റലിജന്‍സ് പിടികൂടി.
മഞ്ചേരി നെല്ലിക്കുത്ത് മങ്കാരത്തൊടി ജബ്ബാര്‍(31),കോഴിക്കോട് അടിവാരം സ്വദേശി ഷാജുദ്ദീന്‍(28)എന്നിവരില്‍ നിന്നാണ് 1.265 കിലോഗ്രാം സ്വര്‍ണം പിടിച്ചത്.
 തിങ്കളാഴ്ച രാത്രി ദുബൈയില്‍ നിന്നുള്ള എയര്‍ഇന്ത്യ എക്‌സ്പ്രസ് വിമാനത്തില്‍   കരിപ്പൂരിലെത്തിയ ജബ്ബാര്‍  19.78ലക്ഷം രൂപ വിലവരുന്ന 700 ഗ്രാം സ്വര്‍ണം മലദ്വാരത്തില്‍ ഒളിപ്പിച്ചു കടത്തുകയായിരുന്നു.     
ഷാര്‍ജയില്‍ നിന്നുള്ള എയര്‍ഇന്ത്യ വിമാനത്തില്‍ എത്തിയ ഷാജുദ്ദീനില്‍ നിന്ന് ട്രോളിബാഗിനകത്ത് തകര ഷീറ്റിന്റെ മാതൃകയില്‍ അടിച്ചുപരത്തിയും കളിക്കോപ്പുകളുടെ രൂപത്തിലാക്കിയതുമായ 16 ലക്ഷം രൂപ വില വരുന്ന 565 ഗ്രാം സ്വര്‍ണമാണ് കണ്ടെടുത്തത്.