തിരുവനന്തപുരം: സെപ്തംബര്‍ 20 21 തീയതികളില്‍ പൊതു അവധി ദിവസങ്ങളില്‍ കേരളത്തിലെ സ്വാശ്രയ വിദ്യാലയങ്ങള്‍ക്ക് പ്രവര്‍ത്തി ദിനം ആയിരിക്കുമെന്ന് ആള്‍ കേരള സെല്‍ഫ് ഫിനാന്‍സിംഗ് സ്‌കൂള്‍ ഫെഡറേഷന്‍ സംസ്ഥാന കമ്മിറ്റി അറിയിച്ചു.

സെപ്തംബര്‍ 20ന് മുഹറം പത്തിന് വിദ്യാലയങ്ങള്‍ പ്രവര്‍ത്തി ദിവസമാക്കുന്നതിന് എതിര്‍പ്പില്ലെന്ന് ഒട്ടേറെ മുസ്‌ലിം സംഘടനകള്‍ അറിയിച്ചിട്ടുണ്ട്. 21 ശ്രീനാരായണ ഗുരു സമാധി ദിനത്തില്‍ സ്‌കൂളുകളില്‍ പ്രത്യേക അസംബ്ലി ചേര്‍ന്ന് ഗുരുദേവനെക്കുറിച്ച് കുട്ടികള്‍ക്ക് ബോധവല്‍ക്കരണ ക്ലാസുകള്‍ നടത്തും. നിലവില്‍ കേരളത്തിലെ പ്രത്യേക സാഹചര്യത്തില്‍ അവധി ദിവസം കുറച്ചുകൊണ്ടുവരിക എന്ന് തീരുമാനത്തില്‍ നിന്നാണ് പ്രവര്‍ത്തി ദിവസം ആക്കാന്‍ തീരുമാനിച്ചത് വരാനിരിക്കുന്ന മറ്റു പൊതു അവധി ദിവസങ്ങളിലും ഈ രീതിയിലുള്ള അനുയോജ്യമായ തീരുമാനം കൈക്കൊള്ളും സര്‍ക്കാരിന്റെ ഭാഗത്തുനിന്നു പൊതു അവധി ദിവസങ്ങളില്‍ വിദ്യാലയങ്ങളെ ഒഴിവാക്കാനുള്ള നയപരമായ തീരുമാനം കൈക്കൊള്ളണമെന്നും സംസ്ഥാന പ്രസിഡണ്ട് രാമദാസ് കതിരൂര്‍ ആവശ്യപ്പെട്ടു