ആലപ്പുഴ: ആലപ്പുഴ മാവേലിക്കരയില്‍ കൊല്ലപ്പെട്ട പൊലിസുകാരി സൗമ്യ പുഷ്‌കരന്റെ പോസ്റ്റ്‌മോര്‍ട്ടം ആരംഭിച്ചു. അതിനിടെ കൊലപാതകത്തിന് മുമ്പും അജാസ് സൗമ്യയെ ഫോണില്‍ വിളിച്ചിരുന്നതായി പൊലിസ് കണ്ടെത്തി.അജാസ് സൗമ്യയോട് വിവാഹാഭ്യര്‍ഥന നടത്തിയിരുന്നു. എന്നാല്‍ സൗമ്യ വിവാഹത്തിന് തയ്യാറായിരുന്നില്ലെന്നാണ് പൊലിസ് പറയുന്നത്.

പൊലിസുകാരിയെ ചുട്ടുകൊന്ന സംഭവം: അജാസില്‍ നിന്ന് നേരത്തെ ഭീഷണിയുണ്ടായിരുന്നു- വെളിപെടുത്തലുമായി സൗമ്യയുടെ മകന്‍

കൊലപാതകം നടന്ന പ്രദേശത്തെ സിസി ടിവി ദൃശ്യങ്ങള്‍ പൊലിസ് പരിശോധിക്കുകയാണ്. ചെങ്ങന്നൂര്‍ ഡി.വൈ.എസ്.പി അനീഷ് കോരയുടെ നേതൃത്വത്തിലുള്ള പ്രത്യേക സംഘമാണ് കേസ് അന്വേഷിക്കുന്നത്.