തിരുവനന്തപുരം: പൊതുമരാമത്ത് വകുപ്പിന് കീഴില്‍ നടക്കുന്ന എല്ലാ നിര്‍മാണപ്രവര്‍ത്തനങ്ങളും കുറ്റമറ്റതായിരിക്കാന്‍ ഉദ്യോഗസ്ഥര്‍ ശ്രദ്ധിക്കണമെന്ന് മന്ത്രി ജി. സുധാകരന്‍.
പൊതുമരാമത്ത് വകുപ്പിന് കീഴിലുള്ള ഓവര്‍സിയര്‍മാരുടെ സംഘടനയായ ഓവര്‍സിയേഴ്‌സ് കോണ്‍ഗ്രസിന്റെ സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ഇതാദ്യമായാണ് വകുപ്പിലെ ഓവര്‍സിയര്‍മാരുടെ സമ്മേളനം സര്‍ക്കാര്‍ സംഘടിപ്പിക്കുന്നത്. പാലാരിവട്ടം മേല്‍പ്പാലത്തിന്റെ നിര്‍മാണത്തില്‍ സംഭവിച്ച അപാകത എല്ലാവര്‍ക്കും അപമാനമാണ്. ഇത്തരം സംഭവങ്ങള്‍ ഇനി സംസ്ഥാനത്ത്് ആവര്‍ത്തിക്കരുത്. പാലത്തില്‍ പ്രശ്‌നങ്ങള്‍ ശ്രദ്ധയില്‍പ്പെട്ടപ്പോള്‍ തന്നെ സര്‍ക്കാര്‍ വേണ്ട നടപടിയെടുത്തു. കുറ്റക്കാര്‍ക്കെതിരേ നടപടിയുണ്ടാകുമെന്നും അദ്ദേഹം പറഞ്ഞു.