തിരുവനന്തപുരം: ഫാഷന്‍ ഗോള്‍ഡ് നിക്ഷേപ തട്ടിപ്പ് കേസിലെ എം.സി കമറുദ്ദീന്‍ എം.എല്‍.എയുടെ അറസ്റ്റ് രാഷ്ട്രീയ പ്രേരിതമെന്ന് യു.ഡി.എഫ്. അന്വേഷണം പൂര്‍ത്തിയാക്കുന്നതിന് മുമ്പ് കമറുദ്ദീനെ അറസ്റ്റ് ചെയ്‌തെന്നും യു.ഡി.എഫ് കണ്‍വീനര്‍ എം.എം ഹസന്‍ പറഞ്ഞു.എന്നാല്‍ നിയമ നടപടിയെ എതിര്‍ക്കില്ലെന്നും യുഡിഎഫ് കണ്‍വീനര്‍ വ്യക്തമാക്കി. നേരത്തെ പ്രതിപക്ഷ നേതാവ് രമേശ് ചെന്നിത്തലയും കമറുദ്ദീനെതിരായ കേസ് ലീഗ് തീരുമാനിക്കുമെന്ന് വ്യക്തമാക്കിയിരുന്നു.

അസേ സമയം കമറുദ്ദീന്‍ എം.എല്‍.എ സ്ഥാനം രാജിവെക്കേണ്ടതില്ലെന്ന് മുസ്ലിം ലീഗ് വ്യക്തമാക്കി. ഇല്ലാത്ത വകുപ്പുകള്‍ ചുമത്തിയാണ് അറസ്റ്റ്. നടപടി സര്‍ക്കാരിനെതിരായ വിവാദങ്ങള്‍ ബാലന്‍സ് ചെയ്യാന്‍ വേണ്ടിയാണെന്ന് മുസ്ലിം ലീഗ് വ്യക്തമാക്കി