തിരുവനന്തപുരം: ആര്‍ക്കെങ്കിലും ഡോക്ടറേറ്റ് വേണമെങ്കില്‍ പറഞ്ഞാല്‍ മതി, 2.5 ലക്ഷം രൂപയുെണ്ടങ്കില്‍ വാങ്ങിത്തരാം. നിയമസഭയില്‍ ചോദ്യോത്തര വേളയിലാണ് പി.സി ജോര്‍ജിന്റെ വാഗ്ദാനം. ശ്രീലങ്കയിലെ വിവിധ സര്‍വകലാശാലകളില്‍ പണം നല്‍കിയാല്‍ ഡോക്ടറേറ്റ് ലഭിക്കുമെന്നും ജോര്‍ജ് പറഞ്ഞു.

എന്‍.ജയരാജും കെ.ടി ജലീലുമെല്ലാം വര്‍ഷങ്ങളുടെ പരിശ്രമത്താല്‍ ഗവേഷണം നടത്തി ഡോക്ടറേറ്റ് നേടിയവരാണ്. ഇവര്‍ക്കിടയിലാണ് കാശ് കൊടുത്തുവാങ്ങിയ ഡോക്ടറേറ്റുമായി വ്യാജന്‍മാര്‍ വിലസുന്നതെന്നും ജോര്‍ജ് പറഞ്ഞു. ജോത്സ്യന്‍മാര്‍ വരെ ഡോക്ടറേറ്റ് ബോര്‍ഡ് വെക്കുകയാണെന്നായിരുന്നു എന്‍.ജയരാജിന്റെ അഭിപ്രായം.''ഓര്‍ജിനലേത് ഡ്യൂപ്ലിക്കറ്റേത്''എന്ന് തിരിച്ചറിയാനാകാത്ത സ്ഥിതിയിലാണ് കാര്യങ്ങളെന്നും അദ്ദേഹം കൂട്ടിച്ചേര്‍ത്തു.

വിദേശത്ത് നിന്നുള്ള ഇത്തരം ഡോക്ടറേറ്റുകള്‍ക്ക് നിയന്ത്രണം ഏര്‍പ്പെടുത്തണമെന്ന് മന്ത്രി കെ.ടി ജലീല്‍ പറഞ്ഞു. യാഥാര്‍ഥ ഡോക്ടറേറ്റുകാരെയും വ്യാജന്‍മാരെയും കണ്ടെത്തണം. എന്തായാലും കേരളത്തിലെ ഒരു സര്‍വകലാശാലയില്‍ നിന്നും പണം കൊടുത്താല്‍ ഡോക്ടറേറ്റ് കിട്ടില്ലെന്നും മന്ത്രി വ്യക്തമാക്കി.