പുന്നയൂര്‍: പഞ്ചായത്ത് ഭരണാധികാരികളുടെ ജനവിരുദ്ധ നയങ്ങള്‍ക്കെതിരെ സി.പി.എം സംഘടിപ്പിച്ച സത്യഗ്രഹ സമരം മലപ്പുറം ജില്ലാ കമ്മിറ്റിയംഗം ടി.എം സിദ്ധീഖ് ഉദ്ഘാടനം ചെയ്തു. പഞ്ചായത്ത് ഓഫിസ് പരിസരത്ത് ഇന്നലെ രാവിലെ 10 മുതല്‍ അഞ്ചു വരെ നടന്ന സത്യഗ്രഹത്തില്‍ സി.പി.എം പുന്നയൂര്‍ നോര്‍ത്ത് സൗത്ത് ലോക്കല്‍ കമ്മിറ്റികളുടെ നേതൃത്വത്തില്‍ പഞ്ചായത്ത് അംഗങ്ങളും പ്രധാന പാര്‍ട്ടി പ്രവര്‍ത്തകരും പങ്കെടുത്തു. സമാപന സമ്മേളനം തൃശൂര്‍ ജില്ലാ കമ്മിറ്റിയംഗം എം.കൃഷ്ണദാസും ഉദ്ഘാടനം ചെയ്തു. നോര്‍ത്ത് ലോക്കല്‍ കമ്മിറ്റി സെക്രട്ടറി എന്‍.കെ ഗോപി അധ്യക്ഷനായി. എം.ആര്‍ രാധാകൃഷ്ണന്‍, എം.പി ഇഖ്ബാല്‍, എ.എ അബ്ദുള്ളക്കുട്ടി, കെ.ആനന്ദന്‍, കെ.കെ മജീദ്, റഷീദ് ചേപ്പുള്ളിയില്‍, പഞ്ചായത്തംഗങ്ങളായ കെ.വി അബ്ദുല്‍ കരീം, സുഹറ ബക്കര്‍, എം.ബി രാജേഷ്, ഷമീം അഷറഫ്, ജിസ്‌ന റനീഷ്, ആശ രവി, സി.എം സുധീര്‍ സംസാരിച്ചു. സൗത്ത് ലോക്കല്‍ സെക്രട്ടറി ടി.വി സുരേന്ദ്രന്‍ സ്വാഗതം പറഞ്ഞു.