നെടുമ്പാശ്ശേരി: അന്താരാഷ്ട്ര വിമാനത്താവളം വഴി അനധികൃതമായി കടത്താന്‍ ശ്രമിച്ച 55 ലക്ഷം രൂപയോളം വിലവരുന്ന സ്വര്‍ണം പിടികൂടി. ഇന്നലെ പുലര്‍ച്ചെ ദുബൈയില്‍ നിന്നെത്തിയ എയര്‍ അറേബ്യ വിമാനത്തിലെ യാത്രക്കാരനായ തൃശൂര്‍ സ്വദേശി ടി. സുധീബില്‍ നിന്നാണ് സ്വര്‍ണം പിടിച്ചെടുത്തത്.
ശരീരത്തില്‍ ഒളിപ്പിച്ചാണ് 1110 ഗ്രം തൂക്കം വരുന്ന സ്വര്‍ണം ഇയാള്‍കടത്താന്‍ ശ്രമിച്ചത്. വിമാനത്താവളത്തിലെ എയര്‍ കസ്റ്റംസ് ഇന്റലിജന്‍സ് വിഭാഗം നടത്തിയ പരിശോധനയിലാണ് സ്വര്‍ണം പിടികൂടിയത്. ഗ്രീന്‍ ചാനലില്‍ കൂടി പുറത്തേക്ക് കടക്കുവാന്‍ ശ്രമിക്കുന്നതിനിടെ യാത്രക്കാരന്റെ പെരുമാറ്റത്തില്‍ സംശയം തോന്നിയതിനെ തുടര്‍ന്ന് ദേഹപരിശോധന നടത്തിയപ്പോഴാണ് സ്വര്‍ണം കണ്ടെത്തിയത് .