റിയാദ്: റിയാദിൽ ആലത്തൂർ സ്വദേശി നിര്യാതനായി. പാലക്കാട് ജില്ലയിലെ ആലത്തൂർ കിഴക്കഞ്ചേരി കുണ്ടക്കാട് കുന്നത്ത് സക്കീർ ഹുസൈൻ (52) ആണ്‌ മരിച്ചത്. ഹൗസ് ഡ്രൈവറായി ജോലി ചെയ്തിരുന്ന സക്കീർ ഹുസൈൻ അഞ്ച് വർഷത്തോളമായി റിയാദിലുണ്ട്. നേരത്തെ ഖത്തറിലും ജോലി ചെയ്തിരുന്നു.

പരേതനായ മൊയ്തീൻ, ബീഫാത്തിമ ദമ്പതികളുടെ മകനാണ്‌. ഭാര്യ: റഷീദ ചേലക്കര. മക്കൾ: ഷക്കീബ് ഹസ്സൻ, റിഷാന, അൻഷിഫ്.  മയ്യിത്ത് റിയാദിൽ ഖബറടക്കും.  റിയാദ് കെഎംസിസി പാലക്കാട്‌ ജില്ലാ വെൽഫെയർ വിംഗ്, ആലത്തൂർ മണ്ഡലം കമ്മിറ്റി, മലപ്പുറം ജില്ല കെഎംസിസി വെൽഫെയർ വിംഗ്, ഫൈസൽ ആലത്തൂർ എന്നിവർക്ക് പുറമെ സക്കീർ ഹുസൈന്റെ കമ്പനിയും നിയമ നടപടികൾ പൂർത്തിയാക്കൻ രംഗത്തുണ്ട്.