അകത്തേത്തറ: ഉമ്മയുടെ സ്വപ്നസാക്ഷാല്‍ക്കാരത്തിനായി പൊതുകിണര്‍ നിര്‍മിച്ചുനല്‍കി മക്കള്‍. അകത്തേത്തറ രണ്ടാംവാര്‍ഡ് മരുതക്കോടില്‍ പൊതുകിണര്‍ നിര്‍മിച്ചുനല്‍കിയാണ് ഉമ്മയുടെ സ്വപ്നം മക്കള്‍ സാക്ഷാല്‍ക്കരിച്ചത്. കല്‍മണ്ഡപം പ്രകാശ് ഹോട്ടല്‍ സ്ഥാപകരില്‍ പ്രധാനി അബ്ദുള്‍ബാസിദിന്റെ മക്കളാണ് ഒന്നരലക്ഷം രൂപ ചെലവില്‍ കിണര്‍ നിര്‍മിച്ച് പഞ്ചായത്തിന് കൈമാറിയത്. ഇതിനുവേണ്ടിയുള്ള സ്ഥലം അകത്തേത്തറയിലെ വസന്തദിനകരന്‍ സൗജന്യമായി നല്‍കി. ഇവിടെ 33 കുടുംബങ്ങളുണ്ട്. പരേതയായ ഷെറീഫ ബാസിദിന്റെ സ്മരണയില്‍ കിണര്‍ പഞ്ചായത്ത് പ്രസിഡന്റ് ഡി. സദാശിവന്‍ പൊതുജനത്തിന് തുറന്നു നല്‍കി.