തൃശൂര്‍: ഗ്രാമീണ പോസ്റ്റോഫീസുകളിലേക്ക് പോസ്റ്റുമാസ്റ്റര്‍ തസ്തികയിലേക്ക് അപേക്ഷ സമര്‍പ്പിക്കുന്നതിനുള്ള അവസാന തീയതി ഇന്‍സ്‌പെക്ടര്‍ ഓഫ് പോസ്റ്റ്‌സ് ആഗസ്റ്റ് 19 വരെ നീട്ടി. അപേക്ഷിക്കുന്നതിനുള്ള പ്രായപരിധി 18 മുതല്‍ 40 വരെയാക്കി വര്‍ദ്ധിപ്പിച്ചിട്ടുണ്ട്.   പട്ടികജാതിപട്ടികവര്‍ഗ്ഗ വിഭാഗത്തിന് 5 വര്‍ഷത്തേയും മറ്റ് പിന്നോക്ക വിഭാഗത്തിന് 3 വര്‍ഷത്തേയും വയസ്സിളവും ലഭിക്കും. ജില്ലയില്‍ പീച്ചി, ചൊവ്വന്നൂര്‍, കുറ്റൂര്‍ എന്നീ ഗ്രാമീണ പോസ്റ്റ് ഓഫീസുകളിലാണ് നിലവില്‍ ഒഴിവുള്ളത്. എസ്.എസ്.എല്‍.സി വിജയവും രണ്ടുമാസത്തില്‍ കുറയാത്ത കമ്പ്യൂട്ടര്‍ വിദ്യാഭ്യാസവുമാണ് യോഗ്യത.  അപേക്ഷ അയക്കേണ്ട വിലാസം ഇന്‍സ്‌പെക്ടര്‍ ഓഫ് പോസ്റ്റസ്, തൃശൂര്‍ നോര്‍ത്ത് സബ് ഡിവിഷന്‍, തൃശൂര്‍3.