കണ്ണൂര്‍: ജോര്‍ദാന്‍ തലസ്ഥാനമായ അമ്മാനില്‍ 27, 28 തിയതികളില്‍ നടക്കുന്ന രാജ്യാന്തര അറബിക് സാഹിത്യ ഫോറം സമ്മേളനത്തിന് അസ്‌ലം തങ്ങള്‍ അല്‍ മശ്ഹൂറിനു ക്ഷണം. 40 രാജ്യങ്ങളില്‍ നിന്നു തിരഞ്ഞെടുക്കപ്പെട്ട വിശിഷ്ട വ്യക്തികള്‍ക്കാണു ക്ഷണമുള്ളത്. വിവിധ രാജ്യങ്ങളില്‍ നിന്നുള്ള സ്ഥാപന പ്രസ്ഥാന പ്രതിനിധികള്‍ വ്യത്യസ്ത വിഷയങ്ങളില്‍ സംസാരിക്കും.
ഇസ്‌ലാമിന്റെ സമാധാനപരമായ പ്രചാരണ പദ്ധതികള്‍, സമാധാന ജീവിതം ഇസ്‌ലാമില്‍, അറബിഭാഷാ പ്രചാരണം എന്നിവ സമ്മേളനം ചര്‍ച്ച ചെയ്യും. വിവിധ രാജ്യങ്ങളിലെ ബുദ്ധിജീവികളും അക്കാദമിക് വിദഗ്ധരും പങ്കെടുക്കും. ജോര്‍ദാന്‍ രാജാവ് അബ്ദുല്ല രണ്ടാമന്റെ ഓഫിസാണ് സമ്മേളനപരിപാടികള്‍ നിയന്ത്രിക്കുന്നത്. അസ്‌ലം തങ്ങള്‍ 26ന് ജോര്‍ദാനിലേക്കു പുറപ്പെടും. നിരവധി മത, വിദ്യാഭ്യാസ സ്ഥാപനങ്ങളുടെ അധ്യക്ഷനാണ് അസ്‌ലം തങ്ങള്‍.