കണ്ണൂര്‍: എസ്.എസ്.എല്‍.സി, ഹയര്‍സെക്കന്‍ഡറി പരീക്ഷകളില്‍ മികവാര്‍ന്ന വിജയം നേടിയ വിദ്യാര്‍ഥികളെയും വിദ്യാലയങ്ങളെയും ജില്ലാ പഞ്ചായത്ത് യോഗം അഭിനന്ദിച്ചു. എസ്.എസ്.എല്‍.സി പരീഷയില്‍ മികവ് നിലനിര്‍ത്തിയപ്പോള്‍ കഴിഞ്ഞ വര്‍ഷത്തേക്കാളും മൂന്ന് ശതമാനത്തിലേറെ മുന്നേറ്റം സൃഷ്ടിക്കുന്നതാണ് ഹയര്‍ സെക്കന്‍ഡറി പരീക്ഷയിലെ നേട്ടം. പൊതുവിദ്യാലയങ്ങള്‍ മികച്ച നേട്ടം കൈവരിക്കുന്നുവെന്നതാണ് ഈ വിജയങ്ങളിലെയെല്ലാം സവിശേഷതയെന്ന് അധ്യക്ഷന്‍ കെ.വി സുമേഷ് പറഞ്ഞു. ജലസംരക്ഷണ പ്രവര്‍ത്തനത്തിന്റെ ഭാഗമായി ജില്ലയില്‍ 20, 21 തിയതികളില്‍ പഞ്ചായത്ത്, നഗരസഭാ വാര്‍ഡുകള്‍ കേന്ദ്രീകരിച്ച് നടക്കുന്ന മഴക്കുഴി നിര്‍മാണവും ജൂണ്‍ അഞ്ചു മുതലുള്ള വൃക്ഷത്തൈ നടലും വിജയിപ്പിക്കാന്‍ ജില്ലാ പഞ്ചായത്ത് യോഗം അഭ്യര്‍ഥിച്ചു.