വാടാനപ്പള്ളി: ഭരണകൂടങ്ങള്‍ പ്രകൃതിയെ തകര്‍ക്കുന്ന വമ്പന്‍ പദ്ധതികള്‍ക്കു പുറകെയാണന്ന് മുസ്ലീം യൂത്ത് ലീഗ് ദേശിയ സെക്രട്ടറി സി.കെ സുബൈര്‍ പറഞ്ഞു. മുസ്ലീം യൂത്ത് ലീഗ് സംഘടിപ്പിച്ച ജലസഭയുടെ ജില്ലതല ഉദ്ഘാടനം വാടാനപ്പള്ളി സി.എച്ച് സ്‌കൂളില്‍ ഗ്രൗണ്ടില്‍ നിര്‍വ്വഹിച്ച് സംസാരിക്കുകയായിരുന്നു അദ്ദേഹം.
ജില്ലാ പ്രസിഡന്റ് കെ.കെ അഫ്‌സല്‍ അധ്യക്ഷനായിരുന്നു. വികസനത്തിന്റെ പേരില്‍ മുറിച്ച് മാറ്റപ്പെട്ട മരങ്ങളും, മണ്ണിട്ട് മൂടപ്പെട്ട വയലുകളും, കായലുകളും നമുക്ക് നഷ്ടമാക്കിയത് വിലമതിക്കാനാവാത്ത ജീവ ജലമാണ്. മണ്ണും, മനുഷ്യനും പരിഗണിക്കപ്പെടുന്ന വികസന സംസ്‌കാരമാണ് വേണ്ടത്. പരിസ്ഥിതി സൗഹൃദ വികസന നയത്തിന്റെ സൃഷ്ടിപ്പിന് വേണ്ടി യുവാക്കള്‍ മുന്നിട്ടിറങ്ങണമെന്നും അദ്ദേഹം പറഞ്ഞു.
ജനറല്‍ സെക്രട്ടറി എ.എം നൗഫല്‍ സ്വാഗതം പറഞ്ഞു. ജല നയ പ്രഖ്യാപനം യൂത്ത് ലീഗ് സംസ്ഥാന വൈസ് പ്രസിഡന്റ് പി.ഇസ്മായില്‍ വയനാട് നിര്‍വ്വഹിച്ചു.
ജലബജറ്റ് സംസ്ഥാന വൈസ് പ്രസിഡന്റ് പി.എ അബ്ദുള്‍കരീം അവതരിപ്പിച്ചു. മുസ്ലീം ലീഗ് ജില്ലാ ജനറല്‍ സെക്രട്ടറി ഇ.പി ഖമറുദ്ദീന്‍, വൈസ് പ്രസിഡന്റ് കെ.എ ഹാറൂണ്‍റഷീദ്, യൂത്ത് ലീഗ് ജില്ലാ ഭാരവാഹികളായ നൗഷാദ് തളിക്കുളം, ആര്‍.എം മനാഫ്, വിപി മന്‍സൂറലി, ആര്‍.കെ സിയാദ്, അഷ്‌ക്കര്‍ കുഴിങ്ങര, എം.എസ്.ഫ് നേതാക്കളായ അഫ്‌സല്‍ യൂസഫ്, അല്‍ റസിന്‍, ദലിത് ലീഗ് ജില്ലാ ജനറല്‍ സെക്രട്ടറി കെ.എ പുരുഷോത്തമന്‍, പി.എം ശരീഫ്, പി.എ മുഹമ്മദ്‌മോന്‍,പി.എ സുലൈമാന്‍ പി.എം ഖാലിദ്, പി.കെ അഹമ്മദ്, നിസാര്‍ മരുതയൂര്‍, അറക്കല്‍ അന്‍സാരി, റസാഖ് വി.ഐ, സലാം വരവൂര്‍, അലി അകലാട്,ഷഫീക്ക് കൊടുങ്ങല്ലൂര്‍,കെ.എം ദില്‍ഷാദ്, പി.എ മുജീബ് സംസാരിച്ചു. ജില്ലാ ട്രഷറര്‍ പി.എം മുസ്തഫ നന്ദി പറഞ്ഞു.