സിദ്ധാപുരം: കുടക് ദുരിതബാധിതര്‍ക്ക് കൈതാങ്ങായി ബെംഗളൂരു മലബാര്‍ മുസ്‌ലിം അസോസിയേഷന്റെ സഹായം. കരടിക്കോട്, എരുമാട്, മടിക്കേരി, ഇന്ദിരാനഗര്‍, കുശാല്‍ നഗര്‍ പ്രദേശങ്ങളിലെ ദുരിതമനുഭവിക്കുന്ന കുടുംബങ്ങള്‍ക്ക് ധനസഹായവും വീട്ടു ഉപകരണങ്ങളും അരി, പഞ്ചസാര, പഴവര്‍ഗങ്ങള്‍ അടങ്ങിയ നിത്യോപയോക വസ്തുക്കള്‍ അടങ്ങിയ കിറ്റുകള്‍ വിതരണം ചെയ്തു. സെക്രട്ടറി പി.എം അബ്ദുലതീഫിന്റെ നേതൃത്വത്തിലാണ് സഹായങ്ങള്‍ വിതരണം വിതരണം ചെയ്തത്. പ്രളയത്തില്‍ തകര്‍ന്നടിഞ്ഞ പ്രദേശങ്ങളും സംഘം സന്ദര്‍ശിച്ചു. മലബാര്‍ മുസ്‌ലിം അസോസിയേഷന്‍ പ്രവര്‍ത്തക സമിതിയംഗം സി.എച്ച് സഹീര്‍, സെക്രട്ടറി കെ.എച്ച് ഫാറൂഖ്, വൈ.എം ഉമര്‍ ഫൈസി, സി.കെ അബ്ദുല്‍ കരീം, പി.എം ആരിഫ് ഫൈസി, എം. തംലീഖ് ദാരിമി, കെ.പി ശമീര്‍ സംഘത്തിലുണ്ടായിരുന്നു.