തിരുവനന്തപുരം: ഇരിങ്ങാലക്കുടയിലെ ഡി.വൈ.എഫ്.ഐ പ്രവര്‍ത്തകയെ പീഡിപ്പിക്കാന്‍ ശ്രമിച്ചെന്ന പരാതിയില്‍ ഡി.വൈ.എഫ്.ഐ നേതാവ് ആര്‍.എല്‍ ജീവലാലിനെതിരെ തെളിവുകള്‍ ശേഖരിച്ചു. എം.എല്‍.എ ഹോസ്റ്റലിലെത്തിയാണ് തെളിവെടുപ്പ് നടത്തിയത്. ഇവിടെയെത്തുന്ന സന്ദര്‍ശകരുടെ വിവരങ്ങള്‍ രേഖപ്പെടുത്തുന്ന സന്ദര്‍ശക രജിസ്റ്റര്‍ പൊലിസ് കസ്റ്റഡിയിലെടുത്തു. രജിസറ്ററിലെ വിവരങ്ങള്‍ പ്രകാരം യുവതി പരാതിയില്‍ പറയുന്ന ദിവസം ജീവന്‍ലാല്‍ ഹോസ്റ്റലിലെത്തിയതായി കണ്ടെത്തിയിട്ടുണ്ട്.

മൂന്ന് ദിവസം ഇരിങ്ങാലക്കുട എം.എല്‍.എ കെ.യു. അരുണന്റെ മുറിയിലാണ് ജീവലാല്‍ താമസിച്ചത്. ഈ മുറിയില്‍ വെച്ചാണ് പീഡിപ്പിക്കാന്‍ ശ്രമിച്ചതെന്നാണ് പരാതിയിലും പറയുന്നത്.