തിരുവനന്തപുരം: മുതിര്‍ന്ന ഐ.എ.എസ് ഉദ്യോഗസ്ഥന്‍ രാജു നാരായണസ്വാമിയെ പിരിച്ചുവിടാനുള്ള നീക്കത്തില്‍നിന്ന് പിന്തിരിഞ്ഞ് സര്‍ക്കാര്‍. അഡീഷണല്‍ ചീഫ് സെക്രട്ടറി പദവിയിലുള്ള ഇദ്ദേഹത്തെ പുറത്താക്കാന്‍ നടപടിക്ക് ശുപാര്‍ശ ചെയ്ത് സമര്‍പ്പിച്ച റിപ്പോര്‍ട്ട് മുഖ്യമന്ത്രി തിരിച്ചയച്ചു. അവധി രേഖപ്പെടുത്തിയില്ല, കേന്ദ്ര സര്‍വിസില്‍നിന്ന് തിരികെയെത്തിയത് സംസ്ഥാന സര്‍ക്കാരിനെ അറിയിച്ചില്ല, നിരുത്തരവാദിത്വപരമായും അച്ചടക്കമില്ലാതെയും പ്രവര്‍ത്തിച്ചു തുടങ്ങിയ കുറ്റങ്ങളാണ് രാജു നാരായണസ്വാമിക്കെതിരേ ഉന്നയിച്ചിരുന്നത്. 10 വര്‍ഷം കൂടി സര്‍വിസ് കാലാവധി ശേഷിക്കെയാണ് നടപടിയെടുക്കാന്‍ സര്‍ക്കാര്‍ ഒരുങ്ങിയത്.