തിരുവനന്തപുരം: എക്‌സാലോജിക്- സി.എം.ആര്‍.എല്‍ ഇടപാടുമായി ബന്ധപ്പെട്ട് പിണറായി വിജയനെ ചോദ്യം ചെയ്യാനുള്ള സമന്‍സ് അയക്കാന്‍ ഇ.ഡി. നീക്കം. കഴിഞ്ഞ ദിവസം സി.എം.ആര്‍.എല്‍ എം.ഡി. ശശിധരന്‍ കര്‍ത്തയുടെ മൊഴി പുറത്ത് വന്നിരുന്നു. വീണയുടെ പേരിലുള്ള എക്‌സാലോജിക് കമ്പനിക്ക് സേവനം ഒന്നും കൈപ്പറ്റാതെയാണ് പണം നല്‍കിയതെന്നും പിണറായി വിജനുമായുള്ള ബന്ധമാണ് ഇതിലേക്ക് നയിച്ചതെന്നുമായിരുന്നു മൊഴി.
നേരത്തെ ഇ.ഡി നടത്തിയ പരിശോധനയില്‍ വീണയുടെ ഐ ഫോണ്‍, ചുവന്നപുറം ചട്ടയുള്ള ഡയറിയിലെ ഒന്നു മുതല്‍ 9 വരെയുള്ള പേജുകള്‍, വിവരങ്ങള്‍ കുറിച്ച ഷീറ്റ് പേപ്പര്‍ എന്നിവ കണ്ടെത്തിയിരുന്നു. ഇത് നിര്‍ണായക തെളിവായതായാണ് വിലയിരുത്തുന്നത്.

വീണയുടെ എക്സാലോജിക് കമ്പനിയും കരിമണല്‍ കര്‍ത്തയുടെ സി.എം.ആര്‍.എലും തമ്മില്‍ 2.78 കോടി രൂപയുടെ ഇടപാട് ആണ് നടത്തിയത്. എന്നാല്‍ ഏത് സേവനത്തിനാണ് പണം കൈപ്പറ്റിയതെന്ന് അന്വേഷണ സംഘത്തെ ബോധ്യപ്പെടുത്താന്‍ വീണയ്ക്കോ എക്സാലോജിക് കമ്പനിക്കോ സാധിച്ചിരുന്നില്ല.

ALSO READ: ''പുറത്തുവന്ന മൊഴി മാധ്യമസൃഷ്ടി മാത്രം'; എക്‌സാലോജിക് കേസ് ആരോപണങ്ങള്‍ തള്ളി പിണറായി വിജയന്‍

ഇതിന്റെ ഭാഗമായി വീണയുടെയും കര്‍ത്തയുടെയും വീട്ടിലും സി.എം.ആര്‍.എലിന്റെ ഓഫീസിലുമടക്കം 12 ഇടങ്ങളില്‍  ഇ.ഡി റെയ്ഡ് നടന്നിരുന്നു. പരിശോധനയുടെ അടിസ്ഥാനത്തില്‍ വിവിധ ബേങ്ക് അക്കൗണ്ടുകള്‍ ഇ.ഡി ഉദ്യോഗസ്ഥര്‍ മരവിച്ചിരുന്നു. നേരത്തെ എസ്.എഫ്.ഐ.ഒ ആയിരുന്നു കേസ് അന്വേഷിച്ചിരുന്നത്.

സി.എം.ആര്‍.എലിന്റെ സഹോദര സ്ഥാപനമായ 'എംപവര്‍ ഇന്ത്യ ക്യാപ്പിറ്റല്‍ ഇന്‍വെസ്റ്റ്മെന്റ്സ്' വഴി 50 ലക്ഷം രൂപയുടെ വായ്പ അനുവദിച്ചതു സംബന്ധിച്ചും ഇ.ഡി വീണയുടെ മൊഴിയെടുത്തിരുന്നു. രേഖകള്‍ വിശദമായി പരിശോധിച്ച ശേഷം വീണയെ വീണ്ടും ചോദ്യം ചെയ്യും.

The Enforcement Directorate (ED) is reportedly moving to issue a summons to question Pinarayi Vijayan in connection with the Exalogic-CMRL financial transaction. Recently, the statement of CMRL MD Sasidharan Kartha came to light, in which he stated that money was paid to Veena's company, Exalogic, without receiving any services in return, and that this payment was driven by his relationship with Pinarayi Vijayan