കുറ്റ്യാടി: പള്ളികള്‍ ഇസ്‌ലാമിന്റെ സാംസ്‌കാരിക കേന്ദ്രങ്ങളാണെന്നും സമാധാനവും മതസൗഹാര്‍ദവും മതബോധവും വളര്‍ത്തിയെടുക്കുന്നതില്‍ പള്ളികള്‍ വഹിക്കുന്ന പങ്ക് നിസ്തുലമാണെന്നും പാണക്കാട് സ്വാദിഖലി ശിഹാബ് തങ്ങള്‍. നവീകരണം പൂര്‍ത്തിയായ കുളിക്കുന്നപാറ സുന്നി ജുമാമസ്ജിദിന്റെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.
ചടങ്ങില്‍ മഹല്ല് പ്രസിഡന്റ് വി.പി അബ്ദുല്‍ ഹമീദ് ഹാജി അധ്യക്ഷനായി. ഖുര്‍ആന്‍ മനഃപാഠമാക്കിയ ഹാഫിള് ബിലാല്‍ ബിന്‍ ജാമാല്‍, എന്‍ജിനീയര്‍മാരായ നസീര്‍, മുഹമ്മദ് ഷമീര്‍ എന്നിവര്‍ക്ക് മഹല്ല് കമ്മിറ്റി ഏര്‍പ്പെടുത്തിയ ഉപഹാരസമര്‍പ്പണം സമസ്ത മുശാവറ അംഗം ചേലക്കാട് മുഹമ്മദ് മുസ്‌ലിയാര്‍ നിര്‍വഹിച്ചു.
സി.എസ്.കെ തങ്ങള്‍ പാലേരി പ്രാര്‍ഥനയും റഫീഖ് സകരിയ്യ ഫൈസി മുഖ്യപ്രഭാഷണവും നടത്തി. ടി.പി.സി തങ്ങള്‍, എസ്.പി.എം തങ്ങള്‍, പി. അമ്മദ് മാസ്റ്റര്‍, പി. മൊയ്തു ബാഖവി, ടി.വി.സി അബ്ദുസ്സമദ് ഫൈസി, ഹാജി കെ. പൊറോറ, മര്‍വ സൂപ്പിഹാജി, ഫൈസല്‍ അശ്അരി ഒഴുകൂര്‍, മുനീര്‍ ഫൈസി, യു.കെ അബ്ദുല്‍ ഹമീദ് ഹാജി, മജീദ് ഹുദവി, ടി.പി ആലി, എന്‍. ഷരീഫ്, എന്‍.കെ കുഞ്ഞബ്ദുല്ല മാസ്റ്റര്‍, കെ.വി മൊയ്തു മാസ്റ്റര്‍, ഡോ. സമീര്‍, ഷൈജല്‍ അഹമ്മദ്, പി.സി മൊയ്തീന്‍ മുസ്‌ലിയാര്‍, സുബൈര്‍ പശുക്കടവ്, കുഞ്ഞബ്ദുല്ല ഹാജി സംസാരിച്ചു. കെ.കെ മുഹമ്മദ് ഷരീഫ് മാസ്റ്റര്‍ സ്വാഗതവും പി.കെ അബ്ദുറഹിമാന്‍ നന്ദിയും പറഞ്ഞു.