ആകെ സീറ്റുകളുടെ 10 ശതമാനം സാമ്പത്തിക സംവരണമായി അനുവദിച്ചു

തിരുവനന്തപുരം: കേരളത്തിലെ സര്‍ക്കാര്‍ മെഡിക്കല്‍ കോളജുകളില്‍ 155 എം.ബി.ബി.എസ് സീറ്റുകള്‍ വര്‍ധിപ്പിച്ചു. ഇതോടെ ഇ.ഡബ്ല്യു.എസ് ക്വാട്ട അനുസരിച്ച് 2019-20 അധ്യയന വര്‍ഷത്തില്‍ തന്നെ വിദ്യാര്‍ഥികളെ പ്രവേശിപ്പിക്കാന്‍ സാധിക്കും.
തിരുവനന്തപുരം മെഡിക്കല്‍ കോളജ് - 50, കോട്ടയം മെഡിക്കല്‍ കോളജ് - 25, എറണാകുളം മെഡിക്കല്‍ കോളജ് - 10, മഞ്ചേരി മെഡിക്കല്‍ കോളജ് - 10, കൊല്ലം പാരിപ്പള്ളി മെഡിക്കല്‍ കോളജ് -10 , തൃശൂര്‍ മെഡിക്കല്‍ കോളജ് - 25, ആലപ്പുഴ മെഡിക്കല്‍ കോളജ് - 25 എന്നിങ്ങനെയാണ് സീറ്റ് വര്‍ധിപ്പിച്ചത്.

ഇതോടെ തിരുവനന്തപുരം - 250, കോട്ടയം- 175, എറണാകുളം - 110, മഞ്ചേരി - 110, പാരിപ്പള്ളി - 110, തൃശൂര്‍ - 175, ആലപ്പുഴ - 175 എന്നിങ്ങനെയാണ് സീറ്റുകളുടെ നില. ഇതുകൂടാതെ കോഴിക്കോട് മെഡിക്കല്‍ കോളജില്‍ 250 സീറ്റുകളും കണ്ണൂര്‍ പരിയാരം മെഡിക്കല്‍ കോളജില്‍ 100 സീറ്റുകളും നിലവിലുണ്ട്.
ഇതോടെ നിലവിലുണ്ടായിരുന്ന 1,300 എം.ബി.ബി.എസ്. സീറ്റുകള്‍ 1,455 സീറ്റുകളായി വര്‍ധിച്ചിട്ടുണ്ട്.
ആകെ സീറ്റുകളുടെ 10 ശതമാനമാണ് സാമ്പത്തിക സംവരണമായി അനുവദിച്ചിട്ടുണ്ട്.