കൊച്ചി: കേരള മര്‍ച്ചന്റ്‌സ് ചേംബര്‍ ഒഫ് കൊമേഴ്‌സ് യൂത്ത് വിങ് സംഘടിപ്പിക്കുന്ന 16ാമത് ഓള്‍ ഇന്ത്യ ഡേ ആന്‍ഡ് നൈറ്റ് ഇന്‍ഡോര്‍ ക്രിക്കറ്റ് ടൂര്‍ണമെന്റ് ഇന്നു മുതല്‍ 31 വരെ എറണാകുളം കടവന്ത്ര ഇന്‍ഡോര്‍ സ്റ്റേഡിയത്തില്‍ നടക്കുമെന്നു സംഘാടകര്‍ വാര്‍ത്താസമ്മേളനത്തില്‍ അറിയിച്ചു. വിവിധ സംസ്ഥാനങ്ങളില്‍ നിന്നായി 48 ടീമുകള്‍ പങ്കെടുക്കും. എട്ട് ഓവറാണു മത്സരം. കെ.സി.എയുടെ അംഗീകൃത അംപയര്‍മാരാണു മത്സരം നിയന്ത്രിക്കുന്നത്. ഒന്നാം സ്ഥാനക്കാര്‍ക്കു 2.5 ലക്ഷവും രണ്ടാം സ്ഥാനക്കാര്‍ക്ക് 1.5 ലക്ഷവും ക്യാഷ് പ്രൈസ് നല്‍കും.

ഇന്ന് ഉച്ച കഴിഞ്ഞു മൂന്നിനു നടക്കുന്ന ചടങ്ങില്‍ എറണാകുളം റേഞ്ച് ഐ.ജി എസ് ശ്രീജിത്ത് ടൂര്‍ണമെന്റ് ഉദ്ഘാടനം ചെയ്യും. 31നു നടക്കുന്ന സമാപന ചടങ്ങ് മേയര്‍ സൗമിനി ജെയിന്‍ ഉദ്ഘാടനം ചെയ്യും. എ.ഡി.ജി.പി ബി സന്ധ്യ മുഖ്യാതിഥിയായിരിക്കും.
 സംഘാടക സമിതി ചെയര്‍മാന്‍ നിയാസ് ഇബ്രാഹിം,എം.ടി സജി, എം.എച്ച്.കെബിന്‍, കെ.എം ജോണ്‍, പി.എസ് പോള്‍, പി.നിസാര്‍ വാര്‍ത്താസമ്മേളനത്തില്‍ പങ്കെടുത്തു.