കുന്നംകുളം: ആന്തൂരിലെ പ്രവാസിയുടെ ആത്മഹത്യയില്‍ പ്രതിഷേധിച്ച് കുന്നംകുളത്ത് തദ്ദേശ വകുപ്പ് മന്ത്രി എ.സി മൊയ്തീനു നേര യൂത്ത് കോണ്‍ഗ്രസ് പ്രവര്‍ത്തകര്‍ കരിങ്കൊടി കാണിച്ചു.
വൈകിട്ട് 4.30 ഓടെ ചൊവ്വന്നൂരില്‍ കെ.ആര്‍ നാരായണന്‍ സ്മാരക ഓഡിറ്റോറിയത്തിന്റെ ഉദ്ഘാടനത്തിനെത്തിയതായിരുന്നു മന്ത്രി. ഉദ്ഘാടനവേദിയിലേക്ക് വരുംവഴി കല്ലായികുന്ന് ജങ്ഷനില്‍ പ്രവര്‍ത്തകര്‍ വാഹനത്തിന് നേരെ പാഞ്ഞടുക്കുകയായിരുന്നു. മന്ത്രിയുടെ വാഹനത്തിന് മുന്നിലെത്തിയെങ്കിലും പൊലിസ് ഇവരെ തടഞ്ഞു. യൂത്ത് കോണ്‍ഗ്രസ് പ്രവര്‍ത്തകരായ ആനേടത്ത് നിധീഷ്, കൊങ്ങത്ത് വിഘ്‌നേശ്വര പ്രസാദ് എന്നിവരെ കുന്നംകുളം പൊലിസ് അറസ്റ്റ് ചെയ്തു.