ന്യൂഡല്‍ഹി: പ്രധാനമന്ത്രി നരേന്ദ്ര മോദിയുടെ മെട്രോ യാത്രയെ പരിഹസിച്ച് കോണ്‍ഗ്രസ്.

''ഉയര്‍ന്ന ഇന്ധനവില കാരണമാണോ മോദിയെ ഡല്‍ഹി മെട്രോ ഉപയോഗിക്കാന്‍ നിര്‍ബന്ധിതനാക്കിയത്? അല്ലെങ്കില്‍ മറ്റൊരു തെരഞ്ഞെടുപ്പ് ജുംലയാണോ?''- കോണ്‍ഗ്രസ് ട്വീറ്റ് ചെയ്തു.

ദ്വാരകയിലേക്കാണ് മോദി ഡല്‍ഹി മോട്രോയുടെ എക്‌സ്പ്രസ് ലൈനില്‍ കൂടി യാത്ര ചെയ്തത്. കണ്‍വെന്‍ഷന്‍ സെന്ററിന്റെ ഉദ്ഘാടനത്തിനായിരുന്നു യാത്ര. സാധാരണക്കാരോടൊപ്പം യാത്ര ചെയ്തുവെന്നു കാണിച്ച് ചിത്രങ്ങളടക്കം മോദി തന്നെയാണ് ട്വിറ്ററില്‍ പോസ്റ്റിട്ടത്.

എന്നാല്‍ ഇതും കോണ്‍ഗ്രസ് മോദിക്കെതിരെയുള്ള പ്രചരണായുധമാക്കി. ഇന്ധന വില കുതിച്ചുയരുന്നതിനെതിരെ രാജ്യവ്യാപക ബന്ദടക്കം കോണ്‍ഗ്രസ് നടത്തിയിരുന്നു.