എടവണ്ണപ്പാറ: ചീക്കോട് റെയ്ഞ്ച് മദ്‌റസ മാനേജ്‌മെന്റ് കമ്മിറ്റിയുടെ ആഭിമുഖ്യത്തില്‍  റെയ്ഞ്ചിലെ ഉസ്താദുമാര്‍ക്ക് റമദാന്‍ കിറ്റ് വിതരണം നടത്തി. തുടര്‍ച്ചയായി പത്ത് വര്‍ഷം ഒരു മദ്‌റസയില്‍ സേവനം ചെയ്ത അധ്യാപകര്‍ക്കുള്ള അവാര്‍ഡുകളും വിതരണം ചെയ്തു. മാനേജ്‌മെന്റ് പ്രസിഡന്റ് മമ്മുദാരിമി വാവൂര്‍ അധ്യക്ഷനായി. കെ.എസ് ഇബ്രാഹീം മുസ്‌ലിയാര്‍ ഉദ്ഘാടനം ചെയ്തു.
അബ്ദുറഹ്മാന്‍ ദാരിമി മുണ്ടേരി, അഷ്‌റഫ് മാസ്റ്റര്‍, ഗഫൂര്‍ ഹാജി, വൈ.പി അബൂബക്കര്‍ മാസ്റ്റര്‍ തുടങ്ങിയവര്‍ സംസാരിച്ചു.
വാഴക്കാട്: വാഴക്കാട് റെയ്ഞ്ച് ജംഈയത്തുല്‍ മുഅല്ലിമീന്‍ വെല്‍ഫെയര്‍ കമ്മിറ്റി സംഘടിപ്പിച്ച റമദാന്‍ കിറ്റിന്റെ വിതരണോദ്ഘാടനം പി.എ ജബ്ബാര്‍ ഹാജി നിര്‍വഹിച്ചു.സംസ്ഥാന ഇസ്‌ലാമിക് കലാമേളയില്‍ മുഅല്ലിം വിഭാഗത്തില്‍ ചാര്‍ട്ട് നിര്‍മാണത്തില്‍ ഒന്നാം സ്ഥാനം നേടിയ അബൂബക്കര്‍ ദാരിമിക്ക് റെയ്ഞ്ചിന്റെ ഉപഹാരം പ്രസിഡന്റ് മുഹമ്മദ് മുസ്‌ലിയാര്‍  കൈമാറി. സലീം ദാരിമി, യൂനുസ് ഫൈസി വെട്ടുപാറ, ബഷീര്‍ ചെറുവട്ടൂര്‍, മുജീബുറഹ്മാന്‍  ദാരിമി, ഉസ്മാന്‍ മുസ്‌ലിയാര്‍ തുടങ്ങിയവര്‍ സംസാരിച്ചു.
ഐക്കരപ്പടി: പെങ്ങാട് റെയ്ഞ്ച് മദ്‌റസ മാനേജ്‌മെന്റ് അസോസിയേഷന്‍ ഏര്‍പ്പെടുത്തിയ റമദാന്‍ കിറ്റ് വിതരണം സയ്യിദ് ബി.എസ്.കെ തങ്ങള്‍ ഉദ്ഘാടനം ചെയ്തു. പി.കെ മൂസാഹാജി അധ്യക്ഷനായി. മുഹമ്മദലി ഫൈസി, പി.ബദറുദ്ദീന്‍, ദുല്‍ഫുഖാര്‍ അലി ഫൈസി, എ.കമ്മദ്, യൂനുസ് ഫൈസി വെട്ടുപാറ, പി.കെ ബീരാന്‍കുട്ടി, അബ്ദുല്‍ നാസര്‍ ദാരിമി സംസാരിച്ചു.