ഗൂഡല്ലൂര്‍: തമിഴ്‌നാട് എസ്.എസ്.എല്‍.സി പരീക്ഷയില്‍ നീലഗിരി ജില്ലയില്‍ 95.09 ശതമാനം വിജയം.കഴിഞ്ഞ വര്‍ഷം 93.25 ശതമാനമായിരുന്നു വിജയം. മാര്‍ച്ചിലാണ് പരീക്ഷ നടന്നിരുന്നത്. നീലഗിരി ജില്ലയില്‍ മൊത്തം 56 പരീക്ഷാ കേന്ദ്രങ്ങളാണുണ്ടായിരുന്നത്. 4,297 ആണ്‍കുട്ടികളും 4525 പെണ്‍കുട്ടികളും ഉള്‍പ്പെടെ മൊത്തം ജില്ലയില്‍ 8,822 വിദ്യാര്‍ഥികളാണ് പരീക്ഷയെഴുതിയിരുന്നത്. ഇതില്‍ 3918 ആണ്‍കുട്ടികളും 4338 പെണ്‍കുട്ടികളും ഉള്‍പ്പെടെ 82, 062 വിദ്യാര്‍ഥികള്‍ വിജയിച്ചു. കുന്നൂര്‍ വിദ്യാഭ്യാസ ജില്ലയില്‍ 38 പരീക്ഷാ സെന്ററുകളും ഗൂഡല്ലൂര്‍ വിദ്യാഭ്യാസ ജില്ലയില്‍ 18 പരീക്ഷാ സെന്ററുകളുമാണുണ്ടായിരുന്നത്. ഗൂഡല്ലൂര്‍ വിദ്യാഭ്യാസ ജില്ലയില്‍ നിരവധി സ്‌കൂളുകള്‍ നൂറുമേനി വിജയം നേടിയിട്ടുണ്ട്.