തൊട്ടില്‍പ്പാലം: മാലിന്യം നിക്ഷേപ്പിക്കരുതെന്ന മുന്നറിയിപ്പ് ഉണ്ടായിട്ടും മാലിന്യനിക്ഷേപം സജീവമാകുന്നു.
വയനാട്ടിലേക്കുള്ള സംസ്ഥാനപാതയില്‍ ദേവര്‍കോവില്‍ അക്വഡേറ്റ് പാലത്തിന് ചുവട്ടിലാണ് അധികൃതരുടെ നിര്‍ദേശം വകവെയ്ക്കാതെ ദിനംപ്രതി മാലിന്യനിക്ഷേപം തുടര്‍ക്കഥയാവുന്നത്.
സമീപടൗണുകളില്‍ നിന്നും മറ്റുമായി രാത്രികാലങ്ങളില്‍ ഇവിടെ കൊണ്ടിടുന്ന മാലിന്യങ്ങള്‍ കാരണം പരിസരവാസികളും കാല്‍നടയാത്രക്കാരും അസഹ്യമായ പ്രയാസത്തിലാണ്. ഒപ്പം മാലിന്യം തേടിയെത്തുന്ന നായ്ക്കളുടെ ശല്യവും പ്രദേശത്ത് വര്‍ധിച്ചിട്ടുണ്ട്. മാലിന്യം കൊണ്ടിടുന്നത് ചില വ്യാപാരികളാണെന്നാണ് നാട്ടുകാരുടെ പരാതി. മുന്നറിയിപ്പ് ഉണ്ടായിട്ടും പാലിക്കാത്ത നടപടിക്ക് പരിഹാരമായി പ്രദേശത്ത് സി.സി.ടി.വി സ്ഥാപിക്കണമെന്നാണ് പ്രദേശവാസികളുടെ ആവശ്യം.