മാവൂര്‍: റെയ്ഞ്ച് ജംഇയ്യത്തുല്‍ മുഅല്ലിമീന്‍ 45ാം വാര്‍ഷികാഘോഷ സമാപന സമ്മേളനം നാളെ നടക്കും. മാവൂരില്‍ നടക്കുന്ന സമ്മേളനത്തില്‍ സമസ്ത കേരള ജംഇയ്യത്തുല്‍ ഉലമ ജന.സെക്രട്ടറി പ്രൊഫ. ആലിക്കുട്ടി മുസ്്‌ലിയാര്‍ ഉദ്ഘാടനവും അവാര്‍ഡ്ദാനവും നിര്‍വഹിക്കും. എസ്.കെ.എസ്.എസ് എഫ് സംസ്ഥാന ജന.സെക്രട്ടറി സത്താര്‍ പന്തല്ലൂര്‍ മുഖ്യപ്രഭാഷണം നടത്തും. കെ.സി മുഹമ്മദ് ഫൈസി, ആര്‍.വി കുട്ടി ഹസ്സന്‍ ദാരിമി, കെ.എ റഷീദ് ഫൈസി, കെ.പി കോയ, ടി.പി ചെറൂപ്പ, അസൈനാര്‍ ഫൈസി, ഒ.പി അഷ്‌റഫ് ഇബ്‌റാഹിം ബാഖവിസംബന്ധിക്കും. റെയ്ഞ്ച് പ്രസിഡന്റ് കെ. മുഹമ്മദ് ബാഖവി അധ്യക്ഷനാകും. സമ്മേളനത്തിന്റെ ഭാഗമായി നാളെ കല്‍പ്പള്ളിയില്‍ നിന്ന് മാവൂരിലേക്ക് വൈകിട്ട് നാലിന് എസ്.കെ.എസ്.എസ് എഫ്, വിഖായ , എസ്.കെ.എസ്.ബി.വി എന്നിവയുടെ റാലി നടക്കും.