വാഷിങ്ടണ്‍: തീവ്രവാദികള്‍ക്ക് സാമ്പത്തിക സഹായം നല്‍കുന്നത് നിയന്ത്രിക്കുന്ന സംഘടനയായ എഫ്.എ.ടി.എഫിന്റെ കരിമ്പട്ടികയില്‍ പാകിസ്താനെ ഉള്‍പ്പെടുത്തിയേക്കും. എഫ്.എ.ടി.എഫിന്റെ പ്രസിഡന്റ് മാര്‍ഷല്‍ ബില്ലിങ്‌സലെയാണ് ഇക്കാര്യത്തില്‍ സൂചന നല്‍കിയത്.
പാകിസ്താന്‍ നിരവധി കാര്യങ്ങള്‍ ചെയ്യേണ്ടതുണ്ട്. കഴിഞ്ഞ വര്‍ഷം ജൂണില്‍ എത്തിച്ചേര്‍ന്ന കരാറിന്റെ അടിസ്ഥാനത്തിലുള്ള കൂടുതല്‍ നടപടികള്‍ അവര്‍ സ്വീകരിക്കേണ്ടതുണ്ട്. ശക്തമായ നടപടികള്‍ സ്വീകരിക്കണമെന്ന് പാകിസ്താനോട് ഫെബ്രുവരിയില്‍ ആവശ്യപ്പെട്ടിരുന്നു.
മെയ് മാസത്തിന് മുന്‍പായി പ്രവര്‍ത്തനങ്ങള്‍ പൂര്‍ത്തീകരിക്കാനായിരുന്നു നേരത്തെ മുന്നറിയിപ്പ് നല്‍കിയത്. ദൗര്‍ഭാഗ്യത്തിന് ഇതുവരെ പാകിസ്താന് ലക്ഷ്യം പൂര്‍ത്തീകിരിക്കാന്‍ സാധിച്ചിട്ടില്ലെന്നും പ്രസിഡന്റ് പറഞ്ഞു.