തൊടുപുഴ: പീരുമേട് സബ് ജയിലില്‍ റിമാന്‍ഡ് പ്രതി മരിച്ച സംഭവത്തില്‍ നെടുങ്കണ്ടം സ്റ്റേഷനിലെ മൂന്ന് പൊലിസുകാര്‍ക്ക് കൂടി സ്ഥലംമാറ്റം. ഇതോടെ സ്ഥലം മാറ്റിയ ഉദ്യോഗസ്ഥരുടെ എണ്ണം എട്ടായി. എ.എസ്.ഐ റോയി, സി.പി.ഒമാരായ ശ്യാംകുമാര്‍, സന്തോഷ് എന്നിവരെയാണ് എ.ആര്‍ ക്യാംപിലേക്കു മാറ്റിയത്. നേരത്തെ എസ്.ഐ ഉള്‍പ്പെടെ നാലു പൊലിസുകാരെ സസ്‌പെന്‍ഡ് ചെയ്തിരുന്നു. സി.ഐ ഉള്‍പ്പെടെയാണ് സസ്‌പെന്‍ഷനിലുള്ളത്.
തൂക്കുപാലം കേന്ദ്രമായി പ്രവര്‍ത്തിച്ചിരുന്ന ഹരിത ഫിനാന്‍സ് നടത്തിപ്പുകാരന്‍ വാഗമണ്‍ കോലാഹലമേട് കസ്തൂരിഭവനില്‍ രാജ്കുമാറി(49)ന്റെ മരണവുമായി ബന്ധപ്പെട്ടാണ് നടപടി. 21 നാണ് പീരുമേട് സബ് ജയിലില്‍ റിമാന്‍ഡിലായിരിക്കെ പ്രതി മരിച്ചത്.