റായ്പൂര്‍: മാവോയിസ്റ്റ് ആക്രമണത്തില്‍ രണ്ട് സി.ആര്‍.പി.എഫ് ജവാന്മാര്‍ക്ക് പരുക്ക്. ചത്തിസ്ഗഢിലെ പ്രശ്‌നബാധിത മേഖലയായ സുക്മ ജില്ലയിലെ വനത്തില്‍ മാവോയിസ്റ്റുകള്‍ ബോംബ് സ്‌ഫോടനം നടത്തുകയായിരുന്നു.
സുക്മയിലെ കെര്‍ലപാല്‍ പൊലിസ് സ്റ്റേഷന്‍ പരിധിയിലുള്ള വനപ്രദേശത്ത് ഇന്നലെ സി.ആര്‍.പി.എഫ് രണ്ടാം ബറ്റാലിയന്‍ മാവോയിസ്റ്റ് വിരുദ്ധ ഓപറേഷന്‍ നടത്തുന്നതിനിടെയാണ് സംഭവം. പരിയാ ഗ്രാമത്തിലെത്തിയ സൈനികര്‍ക്കുനേരെ മാവോയിസ്റ്റുകള്‍ അസംസ്‌കൃത സ്‌ഫോടക സാമഗ്രി(ഐ.ഇ.ഡി) ഉപയോഗിച്ച് ആക്രമിക്കുകയായിരുന്നു.
മേഖലയില്‍ കൂടുതല്‍ സൈന്യത്തെ വിന്യസിച്ചിട്ടുണ്ട്. പരുക്കേറ്റ സൈനികരെ സുക്മയിലെ പ്രാദേശിക ആശുപത്രിയില്‍ പ്രാഥമിക ചികിത്സ നല്‍കിയ ശേഷം വിമാനംവഴി വിദഗ്ധ ചികിത്സയ്ക്കായി റായ്പൂരിലെത്തിച്ചു.