എടപ്പാള്‍: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ കീഴിലെ പരിഷ്‌കരിച്ച പാഠപുസ്തകങ്ങളെ പരിചയപ്പെടുത്തുന്നതിനും അവതരണ രീതി പരിശീലിപ്പിക്കുന്നതിനുമായി തവനൂര്‍ റെയ്ഞ്ച് മദറസ അധ്യാപകര്‍ക്കായി പരിശീലന ക്യാംപ് സംഘടിപ്പിച്ചു. നരിപ്പറമ്പ് മദറസയില്‍ നടന്ന പരിശീലന ക്യാംപില്‍  റെയ്ഞ്ച് പ്രസിഡന്റ് ഉസ്മാന്‍ മുസ്‌ലിയാര്‍ അധ്യക്ഷനായി. മൊയ്തീന്‍ കുട്ടി ഫൈസി ഉദ്ഘാടനം ചെയ്തു. പരിശീലന ക്ലാസിനും ഗ്രൂപ്പ് ചര്‍ച്ചകള്‍ക്കും മുഫത്തിശ് മൊയ്തീന്‍ കുട്ടി മുസ്‌ലിയാര്‍ നേതൃത്വം നല്‍കി. കുഞ്ഞിബാവ ഫൈസി പ്രാര്‍ഥന നടത്തി. അബ്ദുല്‍ ഹക്കീം ഫൈസി, ഹംസ സാഹിബ്, അബ്ദുല്‍ ഖാദര്‍ സംസാരിച്ചു.