തലശ്ശേരി: കുരുമുളക് ഗ്രാമമാകാന്‍ കതിരൂര്‍ പഞ്ചായത്ത് ഒരുങ്ങുന്നു. പദ്ധതിയുടെ ഉദ്ഘാടനം ഇന്നു രാവിലെ 10നു പഞ്ചായത്ത് ഹാളില്‍ എ.എന്‍ ഷംസീര്‍ എം.എല്‍.എ നിര്‍വഹിക്കും.
കുരുമുളകു ഗ്രാമം പദ്ധതിയിലൂടെ തലശ്ശേരി കുരുമുളകിന്റെ പെരുമ കൂട്ടുകയാണു ലക്ഷ്യമെന്ന് പഞ്ചായത്ത് പ്രസിഡന്റ് എം ഷീബ, അസി.സെക്രട്ടറി വി.എം ഷീജ എന്നിവര്‍ വാര്‍ത്താസമ്മേളനത്തില്‍ പറഞ്ഞു.  കുരുമുളക് ഗ്രാമം പദ്ധതിയിലൂടെ പഞ്ചായത്തിലെ ഓരോ വീട്ടിലും കുരുമുളക് വള്ളികള്‍ നല്‍കും. വാര്‍ത്താസമ്മേളനത്തില്‍  പഞ്ചായത്ത് മുന്‍  പ്രസിഡന്റ് കെ.വി പവിത്രന്‍, സ്റ്റാന്‍ഡിങ് കമ്മറ്റി ചെയര്‍പേഴ്‌സണ്‍ എ സംഗീത എന്നിവരും പങ്കെടുത്തു.