സിദ്ധാപുരം: അര്‍ധരാത്രിയില്‍ സിദ്ധാപുരം ടൗണില്‍ കാട്ടാന ഇറങ്ങിയ ദൃശ്യം സി.സി കാമറയില്‍ പതിഞ്ഞു. കഴിഞ്ഞ ദിവസം രാത്രി 12.30 ഓടെയായിരുന്നു സംഭവം.
ആന അങ്ങാടിയിലൂടെ നടന്നു പോകുന്ന ദൃശ്യമാണ് കാമറയില്‍ പതിഞ്ഞത്. സന്‍ത ജോസഫ് ചര്‍ച്ച് ഭാഗത്തു നിന്നു വിരാജ്‌പേട്ട റോഡിലൂടെയാണ് ആന നടന്നു നീങ്ങയത്. റിയാ സെറാമിക്‌സ് എന്ന കടയില്‍ സ്ഥാപിച്ച സി.സി കാമറയിലാണ് ഒറ്റയാന്‍ ആനയുടെ ദൃശ്യം പതിഞ്ഞത്.
രണ്ടാഴ്ച മുമ്പ് ടൗണ്‍ പരിസരത്തെ തോട്ടത്തില്‍ ജോലി ചെയ്യുകയായിരുന്ന ആസാമി സ്വദേശിയായ സ്ത്രീ ആനയുടെ ചവിട്ടേറ്റു മരിച്ചിരുന്നു. കഴിഞ്ഞ ദിവസം സുണ്ടികൊപ്പ ഭാഗങ്ങളില്‍ വ്യാപകമായി കൃഷിയിടങ്ങള്‍ നശിപ്പിച്ചിരുന്നു.
ഒരു ലക്ഷത്തോളം രൂപയുടെ നഷ്ടം കണക്കാക്കി. ജില്ലയിലെ പല ഭാഗങ്ങളിലും ആനയുടെ വിളയാട്ടത്തില്‍ ജനങ്ങള്‍ ഭീതിയിലാണ്.
ആവശ്യമായ പ്രവര്‍ത്തനങ്ങള്‍ സര്‍ക്കാറിന്റെ ഭാഗത്തു നിന്നും കാര്യമായി നടക്കുന്നില്ലെന്ന പരാതി വ്യാപകമാണ്.