അഗളി: മുസ് ലിം യൂത്ത്  ലീഗ് ജില്ലാ കമ്മിറ്റിയുടെ നേതൃത്വത്തില്‍ അട്ടപ്പാടി ക്യാമ്പ് സെന്ററില്‍ നടന്നുവരുന്ന  യൂത്ത് ലീഗ്  വൈറ്റ് ഗാര്‍ഡ് ക്യാപ്റ്റന്‍മാരുടെ ത്രിദിന പരിശീലന ക്യാംപ് ഇന്ന് സമാപിക്കും. സംസ്ഥാന തലത്തില്‍ യൂത്ത് ലീഗ്  സജ്ജമാക്കുന്ന ദുരന്തനിവാരണ സേനയായ വൈറ്റ്ഗാര്‍ഡ് പഞ്ചായത്ത്  മുന്‍സിപ്പല്‍ ക്യാപ്റ്റന്‍ മാര്‍, മണ്ഡലം വൈസ് ക്യാപ്റ്റന്‍മാര്‍ എന്നിവര്‍ പങ്കെടുക്കുന്ന പരിശീലന ക്യാംപ് വെള്ളിയാഴ്ച വൈകീട്ടാണ് തുടങ്ങിയത്.
യൂത്ത് ലീഗ് ജില്ലാ ജനറല്‍ സെക്രട്ടറി ഗഫൂര്‍ കോല്‍കളത്തില്‍ ഉദ്ഘാടനം ചെയ്തു. ജില്ലാ വൈസ് പ്രസിഡണ്ട് ബി.എസ് മുസ്തഫ തങ്ങള്‍ അധ്യക്ഷനായി. വൈറ്റ് ഗാര്‍ഡ് ജില്ലാ കോഓര്‍ഡിനേറ്റര്‍ വി.പി ഫാറൂഖ് മാസ്റ്റര്‍ സ്വാഗതം പറഞ്ഞു. സംസ്ഥാന പരിശീലകന്‍ ഹനീഫ് ബാപ്പുട്ടി മട്ടാഞ്ചേരി വിശദീകരണം നടത്തി. മണ്ണാര്‍ക്കാട് മണ്ഡലം യൂത്ത് ലീഗ് ജന. സെക്രട്ടറി കെ.ടി അബ്ദുല്ല, ജില്ലാ വൈ. ക്യാപ്റ്ററ്റന്‍ അഷറഫ് വാഴമ്പുറം, മണ്ഡലം ക്യാപ്റ്റന്‍ മാരായ സദഖത്തുല്ല  വല്ലപ്പുഴ, റഹീം കിഴക്കഞ്ചേരി, ഹാറൂണ്‍ ചിറ്റൂര്‍, ജില്ലാ കമ്മിറ്റി അംഗം സഹദ് അരിയൂര്‍, നൗഷാദ് വെള്ളപ്പാടം പ്രസംഗിച്ചു.
  ഇന്ന് ഉച്ചക്ക് സമാപന സെഷനില്‍ പാസ്സിംഗ് ഔട്ട് പരേഡില്‍ യൂത്ത് ലീഗ് ജില്ലാ പ്രസിഡണ്ട് സി.എ സാജിത് സലൂട്ട് സ്വീകരിക്കും. ജില്ലാ ക്യാപ്റ്റന്‍ ആഷിക് തത്തമംഗലം നേതൃത്വം നല്‍കും.