ഒറ്റപ്പാലം:ലക്കിടി മംഗലത്തുനിന്നും മൂന്ന് വടിവാളുകള്‍ ഒറ്റപ്പാലം പൊലിസ് കണ്ടെടുത്തു. കുഞ്ചന്‍ റോഡില്‍ സ്വകാര്യ വ്യക്തിയുടെ ഒരേക്കര്‍ വരുന്ന പറമ്പിലാണ് ഉപേക്ഷിച്ച നിലയിലുള്ള വടിവാളുകള്‍ കണ്ടെത്തിയത്. മൂന്ന് വാളുകളും തുരുമ്പിച്ച നിലയിലാണ്.
വാള്‍ നാട്ടുകാര്‍ കാണ്ടതിനെ തുടര്‍ന്ന് പൊലിസിനെ അറിയിക്കുകയായിരുന്നു. വാളുകള്‍ കണ്ടെടുത്ത സംഭവത്തില്‍  ദുരൂഹതകളുണ്ടോയെന്ന് അന്വേഷിക്കുമെന്ന് ഒറ്റപ്പാലം പൊലിസ് പറഞ്ഞു.