മേപ്പാടി: ബഹുജന പങ്കാളിത്തത്തോടെ മാലിന്യം അടിഞ്ഞ് കൂടിയ ചൂരല്‍മലയിലെ പുഴ ശുചീകരിച്ചു.
ചൂരല്‍മല നവോദയ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബിന്റെ നേതൃത്വത്തിലാണ് പുഴ ശുചീകരിച്ചത്. ജില്ലാ ക്രിക്കറ്റ് അസോസിയേഷന്‍ വ്യാപാരി വ്യവസായി ഏകോപന സമിതി കുടുംബശ്രീ. വെള്ളാര്‍മല ജി.വി.എച്ച്.എസ്, എന്‍.എസ്.എസ് എന്നിവരുടെ സംയുക്ത പങ്കാളിത്തത്തോടെയാണ് പുഴ ശുചീകരിച്ചത്. നിരവധി കുടുംബങ്ങള്‍ കുടി വെള്ളത്തിനായി ആശ്രയിക്കുന്ന പുഴ മലിനമായതോടെയാണ് നവോദയ ക്ലബ് മുന്‍കൈ എടുത്ത് പുഴ ശുചീകരിച്ചത്. 200 ഓളം പേര്‍ ശുചീകരണത്തില്‍ പങ്കാളികളായി പ്ലാസ്റ്റിക്ക് മാലിന്യം അടക്കം പുഴയില്‍ വന്‍തോതില്‍ അടിഞ്ഞ് കൂടിയിരുന്നു. സിനിമാ താരം സിന്ദാര്‍ഥ് ശുചീകരണത്തില്‍ പങ്കാളികളായി. ക്ലബ് സെക്രട്ടറി കെ. ജയേഷ്, വാര്‍ഡ് മെമ്പര്‍ സബിത, വ്യാപാരി വ്യവസായി ഏകോപന സമിതി യൂനിറ്റ് പ്രസിഡന്റ് മുഹമ്മദലി, ഫൈസല്‍ മാസ്റ്റര്‍, എച്ച്. ശേഖരന്‍, ബാബു, വിനീത, സതീദേവി, മുഹമ്മദലി, ബൈജു, ബഷീര്‍ സംസാരിച്ചു.