തൃക്കരിപ്പൂര്‍: കേരളാ ഫുട്‌ബോള്‍ അസോസിയേഷന്റെ നേതൃത്വത്തില്‍ ജില്ലാ ഫുട്‌ബോള്‍ അസോസിയേഷന്‍ ആതിഥ്യമരുളിയ സംസ്ഥാന ജൂനിയര്‍ ഫുട്‌ബോള്‍ ചാംപ്യന്‍ഷിപ്പിനു തൃക്കരിപ്പൂര്‍ രാജീവ് ഗാന്ധി സിന്തറ്റിക് സ്റ്റേഡിയത്തില്‍ സമാപനം.
ഇന്നലെനടന്ന ഫൈനല്‍ മത്സരത്തില്‍ റവന്യു മന്ത്രി ഇ. ചന്ദ്രശേഖരന്‍ കളിക്കാരെ പരിചയപ്പെട്ട് ചാംപ്യന്‍ഷിപ്പിന്റെ സമാപനം ഉദ്ഘാടനം ചെയ്തു. സംഘാടക സമിതി ചെയര്‍മാന്‍ എം.ടി.പി അബ്ദുല്‍ ഖാദര്‍ അധ്യക്ഷനായി.
കേരളാ ഫുട്‌ബോള്‍ അസോസിയേഷന്‍ സെക്രട്ടറി പി. അനില്‍ കുമാര്‍, സ്‌പോട്‌സ് കൗണ്‍സില്‍ അംഗം പള്ളം നാരായണന്‍, ബ്ലോക്ക് പഞ്ചായത്ത് അംഗം സി. രവി, ജില്ലാ ഫുട്‌ബോള്‍ അസോസിയേഷന്‍ സെക്ര ട്ടറി ടി.കെ മുഹമ്മദ് റഫീഖ്, കെ. വീരമണി എന്നിവര്‍ സംബന്ധിച്ചു.