മക്ക: ഐക്യത്തോടെയും സൂക്ഷ്മതയോടെയും സേവനരംഗത്ത് കര്‍മ്മനിരതരാവാന്‍ കെ.എം.സി.സി പ്രവര്‍ത്തകര്‍ തയാറാവണമെന്ന് മുസ്ലിം യൂത്ത് ലീഗ് നാഷനല്‍ കമ്മിറ്റി ഉപാധ്യക്ഷന്‍ അഡ്വ. ഫൈസല്‍ ബാബു പറഞ്ഞു. മക്കാ കെ.എം.സി.സി കാക്കിയയിലെ സെന്‍ട്രല്‍ കമ്മറ്റി ഓഫിസില്‍ സംഘടിപ്പിച്ച ഹജ്ജ് സെല്‍ വളണ്ടിയര്‍ സംഗമം ഉദ്ഘാടനം ചെയ്യുകയായിരുന്നു അദ്ദേഹം.

സേവനരംഗത്ത് വേറിട്ട പ്രവര്‍ത്തനങ്ങളാണ് മക്കയിലെ കെ.എം.സി.സിയുടേത്. വഴി തെറ്റിയവര്‍ക്ക് വഴി കാണിച്ച് കൊടുക്കുന്നത് ഇസ്ലാമില്‍ ഏറെ പുണ്യമുള്ള കാര്യമാണെന്നും കഴിഞ്ഞ കാലങ്ങളില്‍ ഹാജിമാര്‍ക്ക് താങ്ങും തണലാമാന്‍ കെ.എം.സി.സി പ്രവര്‍ത്തകര്‍ക്ക് കഴിഞ്ഞിട്ടുണ്ടെന്നും അദ്ദേഹം പറഞ്ഞു. മക്കാ കെ.എം.സി.സി ഹജ്ജ് സെല്‍ ചെയര്‍മാന്‍ കുഞ്ഞുമോന്‍ കാക്കിയ അധ്യക്ഷത വഹിച്ചു. സുലൈമാന്‍ മേല്‍പുത്തൂര്‍ ഉദ്ഘാടനം ചെയ്തു. സുലൈമാന്‍ മാളിയേക്കല്‍, ഹംസ മണ്ണാര്‍മല, മുസ്തഫ പട്ടാമ്പി, മുഹമ്മത്ഷാ, കുഞ്ഞാപ്പ പൂക്കോട്ടൂര്‍, തെറ്റത്ത് മുഹമ്മത് കുട്ടി ഹാജി, മൊയ്തീന്‍ കുട്ടി കോഡൂര്‍, ഹംസ സലാം തുടങ്ങിയവര്‍ സംസാരിച്ചു. ജനറല്‍ സെക്രട്ടറി മുജീബ് പൂക്കോട്ടൂര്‍ സ്വാഗതവും നാസര്‍ കിന്‍സാറ നന്ദിയും പറഞ്ഞു.