ഫൈസാബാദ്: ഉത്തര്‍പ്രദേശിലെ ഫൈസാബാദില്‍ 22 മുസ്‌ലിംകളെ മതംമാറ്റി. അംബേദ്കര്‍ നഗര്‍ ജില്ലയിലുള്ളവരെയാണ് ക്ഷേത്രത്തില്‍ വച്ച് മതംമാറ്റിയത്. കുട്ടികളും സ്ത്രീകളും ഇതില്‍പ്പെടും.

20-25 വര്‍ഷങ്ങള്‍ക്കു മുമ്പ് മുന്‍ഗാമികള്‍ ഹിന്ദുക്കളായിരുന്നുവെന്നും ചില കാരണങ്ങള്‍ കൊണ്ട് മുസ്‌ലിമായതാണെന്നും പറയുന്നതായി എ.എന്‍.ഐ റിപ്പോര്‍ട്ട് ചെയ്തു.

ആര്യസമാജ് ക്ഷേത്രത്തില്‍ വച്ച് വളരെ രഹസ്യമായിട്ടായിരുന്നു മതംമാറ്റ ചടങ്ങ് നടന്നത്. ആര്‍.എസ്.എസ് നേതാവ് കൈലാഷ് ചന്ദ്ര ശ്രീവാസ്തവയാണ് മതംമാറ്റ ചടങ്ങിന് നേതൃത്വം നല്‍കിയത്. സംഭവത്തില്‍ അധികൃതരുടെ ഭാഗത്തുനിന്ന് ഒരു പ്രതികരണവും ഉണ്ടായിട്ടില്ല.