യുനൈറ്റഡ് നാഷന്‍സ്: യമന്‍ യുദ്ധത്തില്‍ കഴിഞ്ഞ അഞ്ച് വര്‍ഷത്തിനിടെ കൊല്ലപ്പെടുകയോ അംഗ വൈകല്യം സംഭവിക്കുകയോ ചെയ്തത് 7,508 കുട്ടികളാണെന്ന് യു.എന്‍. 2013 മുതലുള്ള കണക്കുകളാണ് യു.എന്‍ പുറത്തുവിട്ടത്. 2013 ഏപ്രിലിനും 2018 ഡിസംബറിനും ഇടയില്‍ നൂറുകണക്കിന് കുട്ടികളാണ് യുദ്ധത്തിന്റെ കെടുതികള്‍ അനുഭവിച്ചതെന്ന് യു.എന്‍ പ്രത്യേക റിപ്പോര്‍ട്ടര്‍ വെര്‍ജീന ഗാംബ പറഞ്ഞു. യമനിലെ പത്ത് ലക്ഷത്തോളം ജനങ്ങള്‍ പട്ടിണിയുടെ വക്കിലാണെന്നും മനുഷ്യാവകാശ സംഘടനകള്‍ അറിയിച്ചിരുന്നു.