മുക്കം: കാരശ്ശേരി പഞ്ചായത്ത് വനിതാ സഹകരണ സംഘത്തിന് പുതുതായി നോര്‍ത്ത് കാരശ്ശേരിയില്‍ നിര്‍മിച്ച കെട്ടിടം മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്തു. ഒന്നേമുക്കാല്‍ കോടി രൂപ ചിലവഴിച്ചാണ് പുതിയ കെട്ടിടം നിര്‍മിച്ചത്. ചടങ്ങില്‍ ജോര്‍ജ് എം തോമസ് എം.എല്‍.എ അധ്യക്ഷനായി. മുക്കം നഗരസഭാ ചെയര്‍മാന്‍ വി.കുഞ്ഞന്‍ മുഖ്യാഥിതിയായി.  എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടിയ വിദ്യാര്‍ഥികള്‍ക്കും എല്‍.എസ്.എസ്, യു.എസ്.എസ് നേടിയ വിദ്യാര്‍ഥികള്‍ക്കും പഞ്ചായത്തിലെ ഏറ്റവും നല്ല കുടുംബ ശ്രീ യൂനിറ്റിനുമുള്ള അവാര്‍ഡുകള്‍ വി.കെ വിനോദ് വിതരണം ചെയ്തു.  മുക്കം മുഹമ്മദ് ഡിവിഡന്റ് വിതരണം ചെയ്തു. പി. സുരേഷ് സ്‌ട്രോങ് റൂം ഉദ്ഘാടനം ചെയ്തു. നിക്ഷേപ സമാഹരണ ഉദ്ഘാടനം വി. ജയപ്രകാശ് നിര്‍വഹിച്ചു. സി. അബ്ദുല്‍ മുജീബ് മംഗല്യനിധി വായ്പാ പദ്ധതി ഉദ്ഘാടനം ചെയ്തു. സംഘം സെക്രട്ടറി എ. സെലീന റിപ്പോര്‍ട്ട് അവതരിപ്പിച്ചു.