തിരൂര്‍: തുഞ്ചത്തെഴുത്തച്ഛന്‍ മലയാള സര്‍വകലാശാലയില്‍നിന്ന് 130 വിദ്യാര്‍ഥികള്‍ക്ക് കൂടി ബിരുദാനന്തര ബിരുദം സമ്മാനിച്ചു. പത്ത് പഠനവിഭാഗങ്ങളില്‍ നിന്നുള്ള 130 വിദ്യാര്‍ഥികളാണ് ബിരുദദാനന്തര ബിരുദം സ്വീകരിച്ചത്. സര്‍വകലാശാല കാംപസില്‍ ഇന്നലെ നടന്ന ചടങ്ങില്‍ മന്ത്രി ഡോ. കെ.ടി ജലീലാണ് ബിരുദദാനം നിര്‍വഹിച്ചത്. സി. മമ്മൂട്ടി എം.എല്‍.എ മുഖ്യപ്രഭാഷണം നടത്തി. വൈസ് ചാന്‍സലര്‍ ഡോ. അനില്‍ വള്ളത്തോള്‍ റിപ്പോര്‍ട്ട് അവതരിപ്പിച്ചു. രജിസ്ട്രാറുടെ ചുമതല വഹിക്കുന്ന ഡോ. ടി. അനിതകുമാരി, പരീക്ഷാ കണ്‍ട്രോളര്‍ ഡോ. ഇ. രാധാകൃഷ്ണന്‍ സംസാരിച്ചു.