മണ്ണാര്‍ക്കാട്: കോട്ടോപ്പാടം പഞ്ചായത്ത് ഏഴാം വാര്‍ഡ് അമ്പഴക്കോട് അങ്കണവാടിക്ക് മണ്ണാര്‍ക്കാട് ബ്ലോക്ക് പഞ്ചായത്ത് 2016-17 വാര്‍ഷിക പദ്ധതിയില്‍ നിര്‍മാണം പൂര്‍ത്തിയാക്കിയ പുതിയ കെട്ടിടം അഡ്വ. എന്‍ ശംസുദ്ധീന്‍ എം.എല്‍.എ ഉദ്ഘാടനം നിര്‍വ്വഹിച്ചു. ബ്ലോക്ക് പഞ്ചായത്ത് പ്രസിഡന്റ് യൂസഫ് പാലക്കല്‍ അധ്യക്ഷനായി. വൈസ് പ്രസിഡന്റ് വി. പ്രീത, ഗ്രാമപഞ്ചായത്ത് പ്രസിഡന്റ് മുഹമ്മദ് ഇല്യാസ്, വൈസ് പ്രസിഡന്റ് കെ.എന്‍ സുശീല, സ്റ്റാന്റിങ് കമ്മിറ്റി ചെയര്‍പേഴ്‌സണ്‍ രജനി, ബ്ലോക്ക് മെമ്പര്‍മാരായ എന്‍.ആര്‍ ശ്രീവിദ്യ, ഒ.പി ശരീഫ്, അമ്മു, കിളയില്‍ നസീമ, പാറശ്ശേരി ഹസന്‍, എ. അസൈനാര്‍ മാസ്റ്റര്‍, ഐ. സി.ഡി.എസ് സൂപ്പര്‍ വൈസര്‍ ഹാജറാബീവി, എം.കെ മുഹമ്മദലി, കെ. ഹംസ മാസ്റ്റര്‍ പ്രസംഗിച്ചു. വാര്‍ഡ് മെമ്പര്‍ ഗഫൂര്‍ കോല്‍കളത്തില്‍ സ്വാഗതം പറഞ്ഞു.