നരിക്കുനി:  മുന്‍ രാഷ്ട്രപതി എ.പി.ജെ അബ്ദുല്‍ കലാമിന് ഓര്‍മ  മരമൊരുക്കി സ്‌കൂള്‍ വിദ്യാര്‍ഥികളും അധ്യാപകരും. അബ്ദുല്‍ കലാമിന്റെ  അനുസ്മരണത്തോടനുബന്ധിച്ച് കുണ്ടായി എ.എല്‍.പി സ്‌കൂളില്‍ ഒരുക്കിയ അനുസ്മരണ ചടങ്ങിലാണ്  സ്‌കൂള്‍ മുറ്റത്തുള്ള മരം അബ്ദുല്‍ കലാം ഓര്‍മമരം എന്ന് പുനര്‍ നാമകരണം ചെയ്ത് സമര്‍പിച്ചത്.  അബ്ദുല്‍ കലാമിന്റെ പ്രസക്ത ഉദ്ദരണികള്‍ പ്രദര്‍ശിപ്പിച്ചും ഫോട്ടോ പ്രദര്‍ശനം നടത്തിയുമാണ്  സ്‌കൂളില്‍ അനുസ്മരണ ചടങ്ങൊരുക്കിയിരുന്നത്.
വിദ്യാര്‍ഥികളും പ്രധാനാധ്യാപകനും  സഹഅധ്യാപകരും ചേര്‍ന്നാണ് ഓര്‍മമരം നാമകരണം നിര്‍വഹിച്ചത്. കെ.കെ രാമചന്ദ്രന്‍, ദയാനന്ദന്‍,  ജമാലുദ്ദീന്‍ പരിപാടികള്‍ക്ക് നേതൃത്വം നല്‍കി.